2026 сылга култуура икки сүрүн эбийиэгэ үлэҕэ киириэҕэ

Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ үлэҕэ киириэхтэрэ.

«Култуура сылыгар Арассыыйа бэрэсидьиэнин быһаччы сорудаҕынан тутулла турар Музыка Үрдүкү оскуолатын саҥа комплекса аһыллыаҕа. Өссө биир чаҕылхай түгэнинэн Дьокуускайга Арктикатааҕы эпос уонна ускуустуба киинин аһыллыыта буолуоҕа, онно классическай ускуустуба, үгэс буолбут уонна билиҥҥи эпическэй жанрдар маастардара айыахтара-тутуохтара», — диэбитэ Ил Дархан.

Култуура сылын сыалынан-соругунан култуурунай-историческай нэһилиэстибэни харыстааһын, култуура уонна ускуустуба айар кыаҕын кэм тыынынан сайыннарыы, өрөспүүбүлүкэ хас биирдии олохтооҕун уонна үүнэр көлүөнэ култуурунай таһымын үрдэтии буолуоҕа.