Хаартыска: Сахагов.ру
Ил Дархан Айсен Николаев сэтинньи 8 күнүгэр тутууга суһал ыстаап мунньаҕын ыытта. Мунньахха «Көхтөөх, уһун олох» национальнай бырайыак чэрчитинэн тутуллар, доруобуйа харыстабылын эбийиэктэрин туһунан ырыттылар.
Бу бырайыагынан Майаҕа, Сангаарга, Намҥа, Ньурбаҕа балыыһа комплекстара тутулла тураллар. Улуустарга бу улахан суолталаах эбийиэктэр буолаллар.
«Майа, Ньурба эбийиэктэригэр кыраапыктан хаалыы көстөр. Тустаах биэдэмистибэлэргэ тэрийэр үлэҕэ бэрээдэги олохтуурга, салайар быһаарыылары ылынарга соруйдум. Оттон Сангаарга уонна Намҥа үлэ ыйыллыбыт болдьоҕор бүтэригэр эрэл баар. Тутууга дьиссипилиинэ, чуолкай былаан, күн аайы хонтуруол баар буолуохтаах.
Иккис боппуруоһунан «Моя Якутия в 21 веке» үтүө дьыала хамсааһынын туһунан кэпсэттибит. 2020 сылтан бу бырагырааманан 56 социальнай эбийиэк — уһуйааннар, оскуолалар, култуура дьиэлэрэ, спортивнай былаһааккалар, эдэр исписэлиистэр дьиэлэрэ тутуллубуттара уонна сөргүтүллүбүттэрэ.
Төһө да хааччахтар баалларын иһин, бырагыраама түмүктээх мэхэньиисим быһыытынан үлэлиир, кыра нэһилиэктэргэ аныгы инфраструктураны оҥорорго көмөлөһөр. 2026 сылга бу хамсааһыны өрөспүүбүлүкэ бүддьүөтүттэн уонна үлэлии турар бырагыраамалар чэрчилэринэн, өйүүргэ сорудахтаатым.
Тутуу сезона түмүктэнэн эрэр. Тэтими бытаардыбакка, дьиссипилиинэни тутуһан, хойутатары тохтотон, социальнай суолталаах эбийиэктэри болдьоҕор тутан киллэриэхтээхпит. Хас биирдии саҥа тутуллубут уһуйаан, оскуола, балыыһа дьон олоҕун хаачыстыбатын тупсараллар уонна инники олоххо эрэли үөскэтэллэр», — диэн Айсен Николаев МАХ сыһыарыыга суруйда.
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …
Сунтаарбыт Айыы арчытын түөлбэтэ ураты кэрэ, остуоруйа дойдута. Бу түөлбэҕэ киирээти кытта Августина, Юрий Мишаковтар…
Балаҕан ыйын бүтүүтэ Усуйаана улууһугар олохтоохтор Кыһыл Кинигэҕэ киллэриллибит сэдэх көтөрү, соҕотох сылдьар кыталык оҕотун…
Итинник ааттаах дьоро күн Михаил Пухов дириэктэрдээх Лөгөй интэринээт-лиссиэй оскуолатыгар бэрт тэрээһиннээхтик ыытылынна. Үгэскэ кубулуйбут…