Хаартыска: PxHere
Ил Түмэн XIV (уочараттаах) пленарнай мунньаҕар өрөспүүбүлүкэ кэлэр үс сыллааҕы судаарыстыбаннай бүддьүөтүн бастакы ааҕыытын чэрчитинэн, «Хаачыстыбалаах олорор дьиэ-хомунаалынай өҥөлөрүнэн хааччыйыы уонна энергетиканы сайыннарыы» судаарыстыбаннай бырагырааманы үбүлээһин биллэ улаатара былааннанар, диэн sakha.gov.ru иһитиннэрэр.
СӨ Үп миниистирин эбээһинэһин толорооччу Иван Алексеев иһитиннэрбитинэн, 2026 сылга олорор ОДьКХ салаатыгар, СӨ судаарыстыбаннай мэктиэлэрин толорууга анаан кэлин туһаныллар үбү-харчыны учуоттаатахха, бүддьүөт үбүлээһинин кээмэйэ 43,6 млрд солкуобай буолуоҕа. Бу 2025 сылга анаан урут бигэргэтиллибит кээмэйтэн 5,9 млрд солкуобайынан үрдүк.
Үп-харчы сүрүн эбиллиитэ нэһилиэнньэҕэ ОДьКХ төлөбүрүгэр субсидияҕа уонна сүрүн инфраструктураны саҥардыыга туһаайыллыа. Ол курдук, «Нэһилиэнньэ төлүүр дьоҕурун өйөөһүн» бырайыак үбүлээһинэ 19%-нан улаатыа. Бу үп-харчы ОДьКХ өҥөлөрүн төлүүргэ нэһилиэнньэҕэ компенсацияҕа, ону тэҥэ элбэх оҕолоох ыаллар уонна байыаннай дьайыы кыттыылаахтарын дьиэ кэргэттэрэ курдук чэпчэтиилээх араҥаҕа өйөбүлгэ ананар.
2026 сылга саҕаланар «Кииннэммит ититии систиэмэлэрин саҥардыы» бырайыак биир улахан үлэнэнэн буолуоҕа, онно 108 мөл. солкуобай көрүлүннэ. Бу бырайыак чэрчитинэн Алдан куоракка гаас хочуолунайын тутуу уонна Нерюнгри куоракка ититэр ситимнэрин хапытаалынай өрөмүөнэ былааннанар. Ону сэргэ, элбэх кыбартыыралаах дьиэлэри хапытаалынай өрөмүөҥҥэ сыл аайы 438 мөл. солкуобай кэриҥэ үп-харчы бэриллэрэ уларыйыыта суох хаалар.
Алтынньы 22 күнүгэр Ил Түмэн XIV (уочараттаах) пленарнай мунньаҕар дьүүллэһии түмүгүнэн, норуот дьокутааттара «Саха Өрөспүүбүлүкэтин 2026 сылга уонна 2027, 2028 сыллардааҕы былааннаах кэмигэр судаарыстыбаннай бүддьүөтүн туһунан» сокуон барылын бастакы ааҕыыга ылыннылар.
Булуҥ улууһугар Өлүөнэ өрүһүнэн Быковскай — Дьокуускай хайысханан айаннаан испит «Залив» уонна «Быков мыс» диэн…
"ВОИН" кииҥҥэ үөрэммит, үрдүкү кылаас оҕолоро Арассыыйа эрэгийиэннэригэр баар үрдүк үөрэх кыһаларыгар туттарсар түгэннэригэр, эбии…
Полицияҕа куорат олохтооҕо кэлэн, Ленин проспегар турар массыынатын сиэркилэлэрин алдьаппыттарын туһунан иһитиннэрбит. Хоромньу быһа холоон…
Алтынньы ыйтан саҥа сокуон күүһүгэр киирдэ. Ол чэрчитинэн, эрэгийиэн иһинээҕи микрокирэдьиит хампаанньалара ипотека кирэдьиитин биэрэр…
«Чолбон» сурунаал алтынньытааҕы нүөмэригэр ааҕыҥ: - «Улуу Кыайыы айымньылара» рубрикаҕа Константин Эверстов штрафбакка түбэспит…
Оҕо оонньуур эбэтэр успуорт былаһааккатын, ону таһынан оскуола эбэтэр уһуйаан тиэргэнин иһигэр ыты күллэйдэппит ыт…