2026 сылга оҕону кыраныысса таһыгар таһаарарга уларыйыылар киириэхтэрэ

14 саастарын туола илик оҕолор Арассыыйаттан тахсалларыгар кыраныысса таһынааҕы пааспардаах буолаллара ирдэнэр — 2026 сыл тохсунньу 20 күнүттэн Абхазияҕа, Белоруссияҕа, Соҕуруу Осетияҕа, Казахстаҥҥа уонна Киргизяҕа тахсарга эмиэ наада буолар диэн объясняем.рф саайт иһитиннэрэр.

Өскөтүн оҕо төрөөбүтүн туһунан туоһу суругунан Арассыыйаттан бу даата иннинэ тахсыбыт буоллаҕына, төннөрүгэр эмиэ бу эрэ докумуону ирдиэхтээхтэр.

Оттон туоһу сурук сүппүт, алдьаммыт эбэтэр айаҥҥа сылдьан оҕо 14 сааһын туолбут буоллаҕына, Арассыыйа консуллара оҕо дьиэтигэр төннөрүн туһуттан пааспар оҥорон биэриэхтэрэ.

Төрөппүттэргэ:

14 сааһын туола илик оҕону кытта кыраныысса таһыгар тахсар былааннаах буоллаххытына, айанныаххыт биир ый иннинэ пааспарда оҥотторуҥ. Маны төрөппүт эбэтэр сокуоннай бэрэстэбиитэл эрэ оҥотторор кыахтаах:

• онлайн «Госуслугалар» саайтарыгар;
• МФЦ-га тиийэн эбэтэр ИДьМ миграция боппуруостарынан дьарыктанар отделениетыгар;
• тас дойдуларга сылдьан Арассыыйа консульстволарыгар.

Оттон 14 сааһын туолбут оҕолор уонна улахан дьон бу хайысхаларынан РФ пааспарынан айанныахтарын сөп.