Хаартыска: ЯСИА
Орто сүһүөх миэдиктэри бэлэмниир кластер 2026 сыл балаҕан ыйын 1 күнүттэн үлэтин саҕалыаҕа.
Киин Дьокуускай, Нерюнгри уонна Алдан куораттарга баар үс мэдиссиинэ кэллиэһин, ону таһынан өрөспүүбүлүкэ 12 мэдиссиинэ тэрилтэтин холбуоҕа, диэн Саха Өрөспүүбүлүкэтин Үөрэҕин уонна билимин министиэристибэтэ иһитиннэрдэ.
Үөрэх кластерын тэрийии РФ Бэрэсидьиэнэ Владимир Путин көҕүлээбит «Профессионалитет» бырайыак уонна «Эдэр ыччат уонна оҕолор» национальнай бырайыак чэрчитинэн олоххо киирэр. «Дойду баһылыга Владимир Путин «Профессионалитет» федеральнай бырайыак суолтатыгар ураты болҕомтотун уурар. Бу бырайыак үөрэх уонна тэрилтэлэр ыкса бииргэ үлэлээһиннэрин бириинсиптэригэр олоҕуран, экэниэмикэ уонна бырамыысыланнас араас салааларыгар каадырдары бэлэмнээһиҥҥэ олоххо киирэр. Маннык сыһыаннары бэрэсидьиэн орто профессиональнай үөрэхтээһин бүтүн систиэмэтигэр тарҕатарга сорудахтаата», – диэн СӨ Ил Дархана Айсен Николаев бэлиэтээтэ.
Үөрэх уонна билим министиэристибэтигэр бэлиэтээбиттэринэн, «Профессионалитет» федеральнай бырайыагы олоххо киллэрии сүрүн бириинсибинэн мэдиссиинэ тэрилтэлэрин сакаастарынан исписэлиистэри сыаллаах-соруктаах бэлэмнээһин буолар — түмүгэр устудьуоннар үөрэхтэрин бүтүүтэ кэлэр үлэлэрин миэстэтин номнуо булуохтара.
Үөрэтии үлэни биэрээччилэри кытта бииргэ, үрдүкү технологиялаах аныгы оборудованиенан ыытыллыаҕа. Орто сүһүөх миэдиктэрин бэлэмниир кластеры тэрийэр бырайыак эрэгийиэн доруобуйа харыстабылын систиэмэтигэр үрдүк квалификациялаах ипсиэлиистэр кэлиилэрин хааччыйыаҕа. Биэдэмистибэҕэ ону таһынан иһитиннэрбиттэринэн, быйыл Саха сиригэр мэдиссиинэ кэллиэстэриттэн 1 236 устудьуон үөрэнэн таҕыста.
Санатан эттэххэ, мэдиссиинэ каадырын бэлэмнээһин уонна тардыы – федеральнай киин өйөбүлүнэн өрөспүүбүлүкэ дьарыктанар биир саамай суолталаах боппуруоһа. Специалитет, ординатура уонна орто профессиональнай үөрэх бырагыраамаларынан сыаллаах үөрэхтээһин тэрилиннэ. Эбиитин мэдиссиинэ үрдүк уонна орто үөрэх кыһаларын бүтэрбиттэр ортолоруттан быраастары уонна орто сүһүөх үлэһиттэри тардар үлэ ыытыллар. Саха сирэ Уһук Илин федеральнай уокурукка тэрилтэлэри үлэһиттэринэн хааччыйыыга инники күөҥҥэ сылдьар.
РФ Бэрэсидьиэнэ көҕүлээбит национальнай бырайыак чэрчитинэн тыа сирин балыыһаларыгар уонна ФАП-тарга каадырдары тардар «Земскэй быраас» уонна «Земскэй биэлсэр» бырагыраамалар үлэлииллэр. Бэрэсидьиэн көҕүлээбит «Земскэй быраас» уонна «Земскэй биэлсэр» бырагыраамалар чэрчитинэн 2012 сылтан 2024 сылга диэри Саха сиригэр 1290 быраас уонна 267 орто сүһүөх мэдиссиинэ үлэһитэ үлэҕэ киирбитэ. Быйыл 112 исписэлииһи тардар былааннанар. Быраастарга биир кэмнээх төлөбүр быһыытынан 2 мөл. солк. уонна 1 мөл. солк. төлөнөр, оттон кинилэр 50 тыһ. диэри нэһилиэнньэлээх куоракка үлэлии кэлбит буоллахтарына, онно эбии сөп түбэһиннэрэн 1 мөл. уонна 500 тыһ. солк. ылаллар.
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…