2026 сыллааҕы эксээмэн наардалын бигэргэттилэр

РФ Үөрэҕириитин уонна Үөрэҕи, билими кэтээн көрөр федеральнай сулууспа 2026 сыллааҕы биир кэлим эксээмэн (11-с кылаас), сүрүн судаарыстыбаннай эксээмэн (9-с кылаас) ыытыллар наардалларын бигэргэттилэр. Бирикээһи быраап туһунан иһитиннэрэр официальнай интэриэт-порталга таһаардылар.  

Биир кэлим эксээмэн наардала:

Бэс ыйын 1 күнэ – устуоруйа, литэрэтиирэ, химия;

Бэс ыйын 4 күнэ – нуучча тыла;

Бэс ыйын 8 күнэ – математика (судургутутуллубут, уустугурдуллубут);

Бэс ыйын 11 күнэ – обществознание, физика;

Бэс ыйын 15 күнэ – биология, география, омук тыллара (суругунан чааһа);

Бэс ыйын 18 күнэ – информатика, омук тыллара (тылынан чааһа);

Бэс ыйын 19 күнэ – информатика, омук тыллара (тылынан чааһа).

Бэс ыйын 22-25 күннэрэ – эрэсиэрбэ күннэр.

От ыйын 8 уонна 9 күннэрэ – биир биридимиэти талан хаттаан турар күннэр.

Сүрүн судаарыстыбаннай эксээмэн наардала:

Бэс ыйын 2 күнэ — математика;

Бэс ыйын 5 күнэ – бары үөрэх биридимиэттэригэр (нуучча тылыттан, математикаттан ураты);

Бэс ыйын 6 күнэ – информатика, омук тыла;

Бэс ыйын 9 күнэ – нуучча тыла;

Бэс ыйын 16 күнэ – бары үөрэх биридимиэттэригэр (нуучча тылыттан, математикаттан ураты);

Бэс ыйын 19 күнэ – бары үөрэх биридимиэттэригэр (нуучча тылыттан, математикаттан ураты).

Эрэсиэрбэ күннэрэ:

Бэс ыйын 29 күнэ – математикаҕа

От ыйын 2 күнэ – нуучча тылыгар

От ыйын 3 уонна 6 күннэрэ – нуучча тылыттан, математикаттан ураты бары биридимиэттэргэ.

Бу туһунан Үөрэҕирии министиэристибэтин телеграм-ханаалыгар суруйаллар.