Хаартыска: Үлэ, социальнай сайдыы министиэристибэтэ.
Хайдах ааҕылларый? Төһө буоларый? Бу туһунан «Российская газета» суруйар.
2026 сылтан Арассыыйаҕа социальнай өйөбүл саҥа миэрэтэ – икки уонна онтон элбэх оҕолоох дьиэ кэргэннэргэ анаммыт дьиэ кэргэн нолуогун төлөбүрэ олохтонор. Бу саҥа уларыйыы төрөппүттэр үп-харчы өттүнэн ыарахаттарын чэпчэтэр уонна үөрэххэ, доруобуйа харыстабылыгар, күннээҕи наадаҕа үрдээн иһэр ороскуоттарга дьиэ кэргэни өйүүр сыаллаах.
Бу төлөбүрү ылыы дьиэ кэргэннэргэ оҕо ахсааныттан тутулуктанан, сылга 56 тыһ. солкуобайтан 189 тыһ. солкуобайга диэри эбии төлөбүрү ылалларыгар кыах биэриэҕэ.
Дьиэ кэргэн нолуогун төлөбүрэ – бу оҕолоох дьиэ кэргэттэри үбүнэн-харчынан өйүүр судаарыстыба көмөтүн биир көрүҥэ буолар. Маннык төлөбүр төрөппүттэр эбэтэр опекуннар оҕолорун ахсааныттан уонна дохуоттарын таһымыттан көрөн, судаарыстыбаттан нолуок чэпчэтиилэрин эбэтэр быһаччы төлөбүрү ылар кыахтаныахтарын сабаҕалыыр.
Холобур, түөрт киһилээх дьиэ кэргэн 2025 сылга уопсай дохуота 1,3 мөл. солкуобай кэриҥэ буоллаҕына, бу төлөбүргэ тиксэр кыахтаныа. Бастакы ааҕыыларынан, дьиэ кэргэҥҥэ анаммыт төлөбүр кээмэйэ сылга 56 тыһ. солкуобайтан 189 тыһ.солк. диэри буолуоҕа. Чопчу сууммата оҕо ахсааныттан уонна сааһыттан тутулуктанар. Дьиэ кэргэн нолуогун төлөбүрүн ылар быраабы быһаарарга, дьиэ кэргэн биир киһитигэр тиксэр орто дохуотун ааҕыахха наада. Кини дьиэ кэргэн бары чилиэннэрин уопсай дохуотун дьиэ кэргэн чилиэннэрин ахсааныгар түҥэтэн ааҕыллар. Бу көрдөрүү эрэгийиэннээҕи тиийинэн олоруу алын кээмэйиттэн 1,5 төгүл үрдүк буолуо суохтааҕа сүрүн ирдэбил буолар. Дьиэ кэргэн нолуогун төлөбүрэ икки уонна онтон элбэх оҕолоох төрөппүттэргэ бэриллиэҕэ. Дьиэ кэргэн нолуогун төлөбүрүн анатарга төрөппүттэр нолуок уорганнарыгар сайабылыанньа түһэриэхтээхтэр.
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…
СӨ Ил Дархана Айсен Николаев сэтинньи ый түмүгүнэн Уһук Илин губернатордарын медиа-рейтинин инники күөнүгэр таҕыста.…