2026 сылтан ЕГРН быыпыската ИНН туоһу суруктарын солбуйуоҕа

ФНС Саха сиринээҕи салалтата иһитиннэрэринэн, 2026 сыл тохсунньу 1 күнүттэн нолуок уорганыгар физическэй эбэтэр юридическэй сирэй учуокка туруутун бигэргэтэр сүрүн докумуонунан Нолуок төлөөччүлэр биир кэлим судаарыстыбаннай реестриттэн (ЕГРН) быыпыската буолуоҕа.

Урут бэриллибит нолуок уорганыгар учуокка туруу туһунан туоһу суруктары (ИНН) уларытар ирдэммэт, кинилэр юридическай күүстэрин сүтэрбэттэр.

ЕГРН быыпыскатын оҥотторуохха сөп: 

• — ФНС официальнай саайтыгар «Сведения об ИНН физического лица»  сервискэ;
• — физическэй сирэй нолуок төлөөччүтүн тус кабинетын нөҥүө;
• — «Госуслуги» портаал нөҥүө.

Быыпыска электроннай көрүҥүнэн бэриллэр уонна киһи араспаанньатын, аатын, аҕатын аатын, төрөөбүт күнүн-дьылын уонна ИНН-ын туһунан дааннайдардаах. Докумуон күүһүрдүллүбүт квалификациялаах электроннай илии баттааһынынан баттанар уонна дуоһунастаах сирэй бэйэтин илиитинэн баттаабыт уонна нолуок уорганын бэчээтинэн бигэргэтиллибит кумааҕыга оҥоһуллубут быыпыскаҕа тэҥ күүстээх.

Ону таһынан, 2026 сылтан нолуок уорганыгар учуокка туруу эбэтэр учуоттан уһуллуу туһунан биллэриилэр көтүрүллэллэр. Бу сибидиэнньэлэр ЕГРН быыпыскатыгар Юридическай сирэйдэр биир кэлим судаарыстыбаннай реестриттэн (ЕГРЮЛ), урбаанньыттар биир кэлим судаарыстыбаннай реестриттэн (ЕГРИП), ону таһынан аккредитациялаах филиаллар, тас дойду тэрилтэлэрин бэрэстэбиитилистибэлэрин судаарыстыбаннай реестриттэн регистрационнай дааннайдары кытта тэҥҥэ киллэриллиэхтэрэ.