2026 сылтан кыра дохуоттаах ыалга нолуок төлөбүрэ көрүллүөҕэ

Номнуо 2026 сылтан Арассыыйа 7 мөл. тахса төрөппүтэ дьиэ кэргэн нолуокка төлөбүрүн ылыаҕа. НДФЛ кээмэйин 6% ыстаапканан ааҕан, дьиэ кэргэҥҥэ биир кэмнээх төлөбүрүнэн былырыын төлөммүт суума уонна алын ыстаапканан суоттаммыт уратытын төлүөхтэрэ. Ити туһунан Үлэ миниистирэ Антон Котяков кэпсээбит.

Усулуобуйата:

— ыал уопсай дохуота – биир киһиэхэ тиксэр алын тиийинэн олорор эрэгийиэннээҕи балтараа кээмэйтэн кыра;

— төрөппүттэр официально үлэлииллэр уонна нолуок төлүүллэр;

— сайаапка ыытааччылар алимеҥҥа иэстэрэ суох.

Итини таһынан, 2026 сылга ийэ хапытаалын индексациялыахтара. Ийэ хапытаала бастакы оҕоҕо 737,2 тыһ. солк., иккис оҕоҕо 974,1 тыһ. солк. диэри (өскөтүн бастакы оҕоҕо төлөбүр көрүллүбэтэх түгэнигэр) үрдүөҕэ.

Ону тэҥэ, эһиил МРОТ 21% кэриҥэ үрдээн, 27 093 солк. тэҥнэһиэҕэ, оттон үлэтэ суохтар муҥутуур үрдүк босуобуйалара 16 067 солк. буолуоҕа.

Аҕа көлүөнэни уонна инбэлииттэри өйүүргэ эмиэ туспа болҕомто ууруохтара:

— 184 тыһ. киһи уһун кэмнээх көрүү систиэмэтинэн көмөнү ылыахтара;

— доруобуйаны чөлүгэр түһэрии тиэхиньиичэскэй сириэстибэтин атыылаһыыга 100 млрд. солк. кэриҥэ суума көрүллүөҕэ;

— инбэлиит оҕолору чөлүгэр түһэрии пилотнай бырайыага кэҥээн биэриэҕэ – манна 22 эрэгийиэн кыттыаҕа;

— субъектар доруобуйаны чөлүгэр түһэрэр кииннэри саҥардарга, туспарарга анаан 1,5 млрд. солк. тахса сууманы ылыахтара.

Ити туһунан ОбъясняемРФ телеграм-ханаалыгар суруйаллар.