Хаандыга бөһүөлэгэр баһаарга 11 киһини эвакуациялаабыттар

Томпо оройуонун Хаандыга бөһүөлэгэр муус устар 6 күнүгэр Молодежная уулуссаҕа 12 кыбартыыралаах дьиэ умайбыт.

Быһылаан миэстэтиттэн 11 киһини, ол иһигэр икки оҕону эвакуациялаабыттар. Саха сиринээҕи ЫБММ пресс-сулууспата иһитиннэрэринэн, 6 кв.м. иэннээх кирилиэс былаһаакката алдьаммыт. Буруйдаах сирэй уонна хоромньу быһаарыллар.

Өрөбүлгэ Хаҥалас, Мииринэй уонна Мэҥэ Хаҥалас оройуоннарыгар баһаарынайдар араас тутуулары, ол иһигэр балыыһа дьиэтин уоттан быыһаабыттар.