Хаартыска: Саргын Скрябин, ЯСИА.
Айсен Николаев Чернышевскай уулуссаҕа Cosmos брендинэн тутулла турар Уһук Илиҥҥэ бастакы түөрт сулустаах гостиница тутуутун көрдө.
Күн бүгүн эбийиэккэ 365 сыбаайаттан 147-тэ туруоруллубут, сыл бүтүөр диэри икки бастакы этээс каркаастара туруохтаах.
Тутуу боппуруостарын дьүүллэһиигэ өрөспүүбүлүкэ баһылыга эбийиэги 2027 сыл бүтүөр диэри үлэҕэ киллэрэргэ диэн соругу туруорда.
«2027 сыл бүтүүтэ Дьокуускайга уонна уопсайынан туризм сайдыытыгар олус наадалаах эбийиэк биһиэхэ баар буолуо диэн эрэнэбит. Бу бары ирдэбиллэргэ эппиэттиир аныгы, кыраһыабай тутуу буолуоҕа», — диэн бэлиэтээтэ Айсен Николаев.
Гостиница биллэр-көстөр Cosmos брендинэн Уһук Илиҥҥэ тутуллар бастакы эбийиэк буолара. 13 этээстээх дьиэҕэ араас категориялаах 148 нүөмэр баар буолуоҕа, ол иһигэр “Стандарт”, “Джуниор сюит”, “Люкс” уонна доруобуйалара хааччахтаах ыалдьыттарга анаан оҥоһуллубут хостор. Комплекска өссө дьыалабыай киин, эрэстэрээн, лобби-бар, фитнес-саала, сауналаах сынньанар сир, мунньахтыыр саала уонна да атын табыгастаах эбийиэктэр баар буолуохтара. Комплекс уопсай иэнэ 9 тыһыынча квадратнай миэтэрэттэн тахса буолуоҕа.
Бастакы этээскэ производственнай сыахтардаах куукуна, служебнай уонна инженернэй хостор баар буолуохтара. Иккис этээскэ — офистар, үлэһиттэр аһыыр сирдэрэ уонна мунньахтыыр да, банкеттыыр да элбэх хайысхалаах саала үлэлиэҕэ. Гостиница нүөмэрдэрэ үһүстэн уон иккис этээскэ диэри баар буолуохтара.
Дьиэ илин өттө сиэрэй уонна үрүҥ кырааскалаах, сахалыы көҕүөр ойуунан киэргэтиллибит буолуоҕа. Киирэр сиргэ алта сэргэни туруоруохтара.
Бырайыагы «Центр» СДК тутар, төрүттээччилэринэн “Туризм.РФ”, Cosmos Hotel Group уонна «Центр» УК (“РИК” бөлөх чилиэнэ) буолаллар, диэн иһитиннэрэр Ил Дархан, бырабыыталыстыба пресс- сулууспата.
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …