Хаартыска: SakhaGov
Саха сирэ “Оҕолору уонна ыччаты үөрэтэргэ, сынньатарга уонна чэбдигирдэргэ усулуобуйалары тэрийии” бырайыак чэрчитинэн Арассыыйа Үөрэхтээһиҥҥэ министиэристибэтин федеральнай куонкуруһун кыайыылааҕынан үһүс төгүлүн буолла. Куонкурус Арассыыйа Бэрэсидьиэнэ Владимир Путин көҕүлээбит “Ыччат уонна оҕолор” национальнай бырайыагын сыалын-соругун толорор.
Саҥа куорпустар Саха сирин биэс улууһугар уонна кии куоракка баар буолуохтара. Куорпустар табыгастаахтык сынньанарга уонна олорорго наадалааҕынан барытынан хааччыллыахтара. Ол оҕолору иитэр уонна чэбдигирэр үлэ сүрүн чааһынан буолуоҕа.
2024 сыллаахха куорат таһыгар баар “Спутник” лааҕырга 4 тутуу баар буолбута, онтон 2025 сылга федеральнай бүддьүөт суотугар Мэҥэ Хаҥалас улууһун Дьабыл оскуолатын иһинэн “Илгэ” лааҕырга икки куорпус тутулунна.
“Саҥа куорпустар РФ бэрэсидьиэнэ Владимир Путин өйөбүлүнэн тутулуннулар. Ол биһиэхэ аҥардастыы саҥа тутуу эрэ буолбатах – оҕолорго саҥа кыахтар арыллаллар. Билигин биһиги элбэх оҕону ылар, кинилэргэ сынньалаҥ аныгы усулуобуйатын олохтуур уонна сайыҥҥы симиэнэлэри өссө кэрэхсэбиллээх уонна толору ис хоһоонноох оҥорор кыахтанабыт. Ол оҕолорго улахан үөрүү, онтон биһиэхэ – улахан эппиэтинэс”, — диэтэ “Илгэ” лааҕыр дириэктэрэ Василий Петров.
Бырагыраама чэрчитинэн 2028 сылга диэри өрөспүүбүлүкэҕэ уопсайа 900 миэстэлээх 18 модульнай куорпус тутуллара торумнанар. Оччотугар сайын үс сезоҥҥа үөрэнээччилэри 2700-кэ тиийэ путевканан хааччыйыы кыаллыаҕа. Ону сэргэ оҕо сайыҥҥы сынньалаҥа өссө хаачыстыбалаах уонна куттала суох буолуохтаах.
СӨ Ил Дарханын уонна бырабыыталыстыбатын пресс-сулууспата
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…