Хаартыска: Бырабыыталыстыбатын пресс-сулууспатыттан
2028 сылтан Саха сиригэр федеральнай үбүлээһининэн 8 саҥа оскуола уонна 7 оҕо уһуйаана тутуллара былааннанар. Бу туһунан СӨ Үөрэҕин уонна билимин миниистирэ Ньургуна Афанасьева 2026-2028 сылларга Судаарыстыбаннай Дууманан ылыныллыбыт федеральнай бүддьүөт туһунан суруйуутугар иһитиннэрдэ.
Испииһэккэ Дьокуускай уонна Нерюнгри маастар-былааннарынан көрүллүбүт эбийиэктэр киирдилэр. 5600 миэстэлээх оскуолалар уонна 2000 миэстэлээх оҕо уһуйааннара киин куоракка уонна куорат таһыгар тутуллуохтара. Маны таһынан федеральнай үбүлээһиҥҥэ Нерюнгри куорат «Арктика «Экспериментальнай оскуола-интэринээтин» 120 миэстэлээх үөрэтэр-лабораторнай куорпуһа, ону тэҥэ Бүлүү куоратыгар 990 миэстэлээх оскуоланы тутуу киирбит.
Миниистир ону тэҥэ 2026 сылга киин куоракка үс оскуола уонна икки оҕо уһуйаана тутуута салҕанан барыа, өссө икки оҕо уһуйаана тутуллуо диэн бэлиэтээбит. Бары эбийиэктэр РФ Бэрэсидьиэнэ Владимир Путин көҕүлээбит «Ыччат уонна оҕо» уонна «Дьиэ кэргэн» национальнай бырайыактарын чэрчитинэн олоххо киириэхтэрэ.
Ньургуна Афанасьева итинник далааһыннаах былааннар өрөспүүбүлүкэ салалтатын хамаандата сөптөөх үлэни ыытан, федеральнай киин өйүүр кыаллыбытын бэлиэтээтэ.
«Бу бырайыактары ситиһиилээхтик олоххо киллэрии биһиэхэ үөрэхтээһин табыгастаах буолуутун эрэ быһаарбакка, оҕолорбутугар аныгылыы, куттала суох үөрэх эйгэтин тэрийэр кыаҕы биэриэ», — диэн миниистир бэлиэтээтэ.
Сиһилии: https://www.sakha.gov.ru/news/15846
Алтыс Хотугу пуорум пленарнай сиэссиэйэтэ аан дойдуга Арктика тиэмэтэ олус наадалааҕын көрдөрдө. Пуорумҥа сүрүннээн Арассыыйа…
“Сыыппара алмааһа” федеральнай пуорум иитинэн “Образование: создание системы подготовки будущего” сиэссийэ буолан ааста. Психолог, үөрэх…
Аан дойдутааҕы криптовалюта индустрията ороскуота суох эньиэргийэ төрдүн көхтөөхтүк көрдүүр. Ырыынак кыттыылаахтара этэллэринэн, уоту оҥорууга…
Сэтинньи 27-29 күннэригэр "Модун" успуорт уораҕайыгар норуоттар икки ардыларынааҕы "Кочевник-2025" көрсүһүү ыытыллар. Бу улахан тэрээһиҥҥэ…
Бүгүн "Сыыппара алмааһа" пуорум кэмигэр "Арассыыйа эрэгийиэннэригэр БАС туһаныы: дойдуга аска-!үөлгэ куттал суох буолуутун бастыҥ…
Бүгүн Саха тыйаатыра "Сыыппара алмааһа" диэн федеральнай таһымнаах пуорумҥа кэлбит сыыппара технологиятын эйгэтин араас таһымнаах…