2029 сылга «Манчаары оонньуулара» Хаҥалас оройуонугар ыытыллыаҕа

2029 сылга саха успуордун национальнай көрүҥнэригэр «Манчаары оонньуулара» XXIII спартакиадата Хаҥалас оройуонугар ыытыллыаҕа.
Бу туһунан дьаһалга Ил Дархан Айсен Николаев илии баттаата. Кулун тутар 31 күнүгэр диэри Саха сирин бырабыыталыстыбатыгар 23- с спартакиаданы бэлэмнээһиҥҥэ уонна ыытыыга тэрийэр кэмитиэт састаабын бигэргэтиигэ киллэрэргэ сорудахтаата.
«2029 сылга «Манчаары оонньуулара» успуорт национальнай көрүҥнэригэр XXIII спартакиада ыытыллыахтаах. Элбэх оройуоннарынан күрэхтэһиини ыытарга улахан куонкурус буолан ааста. Куонкурус түмүгүнэн кыайыылааҕынан Хаҥалас улууһа билиннэ. Бүгүн саха успуордун национальнай көрүҥнэрин тарҕатар уонна сайыннарар сыалтан, «Манчаары оонньуулара» 2029 сылга Хаҥаласка ыытыллыа диэн дьаһалга илии баттаатым», — диэн Айсен Николаев иһитиннэрдэ.
Санатан эттэххэ, Манчаары оонньуулара түөрт сылга биирдэ ыытыллар. Быйылгы күрэхтэһиилэр Таатта оройуонугар ыытыллыахтара. Күрэхтэһии саҕаланыытыгар улууска 5 спортивнай эбийиэк тутуллуо.
Сообщить об опечатке
Текст, который будет отправлен нашим редакторам: