Арктикатааҕы култуура уонна искусство судаарыстыбаннай институтун “Приоритет-2030” стратегическай академическай инники күөн бырагырааматыгар кыттыытын Саха сирин баһылыга Айсен Николаев уонна үрдүк үөрэх кыһатын ректора Саргылана Игнатьева дьүүллэстилэр.
Эрэгийиэн баһылыга АГИКИ-ны федеральнай куонкуруска кыайыытынан эҕэрдэлээтэ. “Култуура уонна искусство эйгэтигэр АГИКи-ны макро-эрэгийиэн сүрүн үрдүк үөрэх кыһатынан билинии институт сайдыыга сөптөөх сыалын бигэргэтэр. Ол курдук, 2030 сылга Арктикаҕа креативнай индустрия научнай-үөрэтэр киининэн буоларга дьулуһар. Онуоха институт дьоһун түмүктээх: 2,5 тыһ выпускник култуура уонна искусство эйгэтигэр өрөспүүбүлүкэҕэ эрэ буолбакка, дойду хотугулуу-илин эрэгийиэннэригэр үлэлиир”, — диэн Айсен Николаев бэлиэтээтэ.
“Арктика култууратын куода: кэлэр кэм креативнай оскуолата” стратегическай бырайыагы олоххо киллэриигэ креативнай уонна цифровой компетенциялар кииннэрэ, Хоту дойдуга киһи хапытаалын үөрэтиигэ лаборатория, ситимнэринэн оскуола, үрдүк үөрэххэ бэлэмнээһин куурустара, аныгы үөрэх бырагыраамалара уонна технологиялара тэриллэллэр.
Култуура, искусство уонна креативнай индустрия Арктикатааҕы консорциумун – Хотугулуу Илиҥҥи уонна Уһук Илиҥҥи федеральнай, Мурманскайдааҕы, Санкт-Петербурдааҕы университеттары, Экэниэмикэ Үрдүкү оскуолатын, Универсальнай университеты кытта холбоһуктаах креативнай бырайыактары үлэлэтиэхтэрэ.
Көрсүһүүгэ кампуһу саҥардан оҥоруу, институт уопсай дьиэтин тутууну кэпсэттилэр.
Ил Дархан өрөспүүбүлүкэ талааннаах оҕолорун кытта үлэҕэ инновационнай былаһааккалары кэҥэтиигэ, Саха сирин куораттарыгар уонна сэлиэнньэлэригэр табыгастаах эйгэни тэрийиигэ институт кыттыытыгар болҕомтону туһаайда.
Айсен Николаев өрөспүүбүлүкэ АГИКИ сайдыытыгар салгыы өйөбүлү оҥоруоҕа диэтэ.
Санатан эттэххэ, “Наука уонна университет” нацбырайыак “Приоритет – 2030” госбырагырааматыгар анал трегинэн граны ылааччыларынан Уһук Илин 8 университета буолла. Маныаха Уһук Илин каадырдарга уонна технологияларга наадыйыытын болҕомтоҕо ылбыттара. Быйыл кыайыылаах үрдүк үөрэх хас биирдии кыһата 71,25 мөл солкуобай кээмэйдээх өйөбүлү ылыаҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската, СИА
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …
ИДьМ Дьокуускайдааҕы салаатын полиция 1-кы нүөмэрдээх отделыгар куорат олохтооҕо чааһынай дьиэтиттэн 66 тыһ. солк. суумалаах…