2030 сылга Александр Суворов төрөөбүтэ 300 сыла бэлиэтэниэҕэ

Арассыыйа Бэрэсидьиэнэ Владимир Путин 2030 сылга аатырбыт полководец Александр Суворов төрөөбүтэ 300 сылын бэлиэтиир туһунан Ыйаахха илии баттаата. Докумуон официальнай аахталар порталыгар таҕыста.

«Арассыыйа судаарыстыбаннаһыгар модун күүһүн бөҕөргөтүүгэ кылаатын иһин уонна аатырбыт полководец Александр Суворов төрөөбүтэ 300 сыла туоларынан сибээстээн, дойду Бырабыыталыстыбата 2030 сылга үбүлүөйүн бэлиэтиир туһунан көҕүлээһинин ылынарга», — диэн докумуоҥҥа суруллубут.

Суворов Александр Васильевич (1729—1800) — нуучча аатырбыт полководеһа, нуучча байыаннай ускуустубатын олохтооччуларыттан биирдэстэрэ. Суворов А.В. — Италия кинээһэ, Рымник грааба (граф), Ытык Риим Империятын грааба, Арассыыйа сирин уонна муоратын генералиссимуһа, австриятааҕы уонна сардиниятааҕы сэриилэр генерал-фельдмаршаллара, Сардиния хоруоллугун (королевствотын) гранда уонна хоруол хааннаах принц, Арассыыйа уонна атын дойдулар элбэх уордьаннарын кавалера.