21 саастаах уол киһини кырбаан өлөрдө

Өлүөхүмэ оройуонун Тээнэ сэлиэнньэтин балыыһатыгар 55 саастаах эр киһи тыына быһынна. Кинини 21 саастаах олохтоох киһи кырбааһыҥҥа уорбаланар диэн Силиэстийэлиир кэмитиэт иһитиннэрэр.

Эмсэҕэлээччи муус устар 18 күнүгэр тыына быстыбыт. Кини төбөтүн, этин-сиинин эчэппит.

СӨ Силиэстийэлиир кэмитиэтин информациятынан, уорбаланааччы уонна өлбүт киһи билсэллэр эбит, бииргэ арыгылаабыттар.

Быһылаан тула силиэстийэ барар диэн бүгүн, муус устар 21 күнүгэр, Силиэстийэлиир кэмитиэккэ иһитиннэрдилэр.