Бэс Күөлгэ «Атамай» элбэх өҥөнү оҥорор киин аһылынна

Бэс ыйын 12 күнүгэр, Арассыыйа күнүгэр, Горнай оройуонун Бэс Күөл сэлиэнньэтигэр «Атамай» элбэх өҥөнү оҥорор сынньалаҥ киинин үөрүүлээх аһыыллыытын сиэрэ-туома ыытылынна.

Эбийиэк 700-чэкэ киһиэхэ анаммыт, ол иһигэр чугастааҕы нэһилиэнньэлээх пууннарга суоттаммыт. Тыа сирин инфраструктуратын эбийиэгэ 2021 сыллаахха атырдьах ыйын ойуур баһаарыгар эмсэҕэлээбит Бэс Күөл олохтоохторугар ананар. Бырайыак Арассыыйа Бэрэсидьиэнэ Владимир Путин сордуҕанынан оҥоһуллубут.

«2021 сыл атырдьах ыйыгар ойуур баһаарыттан сэлиэнньэ улаханнык эмсэҕэлээбитин бары өйдүүбүт. Онно 34 дьиэ умайбыта.Оччотугар дойду Бэрэсидьиэнэ сэлиэнньэни чөлүгэр түһэрии буолбакка, өссө тупсарыы оҥорор боппуруоһу көтөхпүтэ. Түгэнинэн туһанан, оччолорго миигин өйөөбүт бэрэсидьиэммитигэр өссө төгүл махтаныахпын баҕарабын», — диэтэ Айсен Николаев. Саҥа дьиэ иэнэ — 2,5 тыһ.тахса. кв.м.