22 саастаах уол охсуһа сылдьан төлөпүөн уорбут

Дьокуускайдааҕы полиция дьуһуурунай чааһыгар олохтоох киһи суотабай төлөпүөнүн, ол чехолун иһигэр баар харчытын уордарбытын туһунан иһитиннэрбит. Хоромньу 35 тыһ.солк. тэҥнэспит диэн СӨ ИДьМ пресс-сулууспата суруйар.

Холуобунай ирдэбил үлэһиттэрэ маныаха 22 саастаах олохтоох киһи уорбаланарын быһаарбыттар.

Быһаарыллыбытынан, уорбаланааччы уонна эмсэҕэлээччи Киров уул. баарга сылдьан этиспиттэр, таһырдьа тахсан салгыы быһаарсыбыттар. Быһаарсыы кэмигэр эмсэҕэлээччи чехолугар харчылаах төлөпүөнэ сиргэ түспүт. Уорбаланааччы түгэни туһанан, ону уоран ылбыт. Салгыы төлөпүөнү форматтаан баран, бэйэтэ туттаары гыммыт.

Уоруллубут төннөрүллүбүт. Холуобунай дьыала тэриллибит.