Ил Түмэн сэттис пленарнай мунньаҕар дьокутааттар «Кырдьаҕас дьону, инбэлииттэри көрө-истэ ылар ыаллар тустарынан» сокуоҥҥа уларытыылары киллэрэри бастакы ааҕыыга ылыннылар.
Үлэ, социальнай сайдыы миниистирэ Елена Волкова иһитиннэрбитинэн, өрөспүүбүлүкэҕэ күн бүгүн кырдьаҕастары көрөр-истэр ыалларга 223 киһи олорор, кинилэртэн 8 киһи инбэлиит. Ыйдааҕы төлөбүр кээмэйэ — 24 5541 солкуобай, НДФЛ нолуогу, страховой усунуоһу аахпакка туран.
Бу маннык ньыманы киллэрии хас да үтүө өрүттээх — соҕотох хаалбыт кырдьаҕас, кыаммат киһи дойдутуттан тэйбэккэ, билэр дьонугар, сылаас эйгэлээх ыалга хараллар, амарах санаалаах ыал хамнас курдук ыйдааҕы төлөбүрү ылар, оҕолор эбээлэнэллэр-эһээлэнэллэр, оттон судаарыстыба анал интэринээт-дьиэлэргэ уочараты аҕыйатар, социальнай хааччыйыы көрүҥүн уларытар сыаллаах. Бу ньыма ордук тыа сиригэр табыгастаах.
Манна даҕатан эттэххэ, өрөспүүбүлүкэҕэ билигин кырдьаҕастар, инбэлииттэр олорор 5 интэринээт-дьиэ үлэлиир, онно 1075 киһи олорор.
— Билигин дойду үрдүнэн көрүүгэ-истиигэ наадыйар кырдьаҕас, кыаммат дьоҥҥо көмө көрүҥүн кэҥэтэргэ үлэ ыытыллар. Эһиилгиттэн «Продолжительная и активная жизнь» уонна «Семья» диэн саҥа национальнай бырайыактар үлэлиэхтэрэ. Ол биир хайысхатынан кырдьаҕас, кыаммат дьону ыалга ылан көрүү-харайыы буолар. Оччотугар интэринээт-дьиэлэргэ уочарат эмиэ кыччыахтаах, — диэн миниистир эттэ.
Кырдьаҕас дьону дьиэҕэ көрө-истэ ылыан баҕалаах дьон анал оскуолаларга үөрэниэхтээхтэр. Маннык оскуолалары социальнай көмүскэл управлениеларыгар уонна социальнай хааччыйыы кэлим кииннэригэр, бары улусстарга уонна куораттарга аһыллыахтара.
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…
«ВИС» бөлөх тутааччылара үс тимир ураһаттан биирин туруорар үлэтин түмүктээтилэр. Дьокуускайга үс ураһалар билигин тутулла…
Бу күннэргэ М. Лукачевскай "Триумф" диэн киинэтэ киэҥ араҥаҕа таҕыста. Чулуу бөҕөстөрбүт 1976 сыллааҕы Олимпиадаҕа…
“Б8” акселерационнай бырагыраама Саха сирин уонна Казахстан оонньууну оҥорооччуларын түмтэ. Үс нэдиэлэ устата 35 сайаапка…
Госдуума дьокутаттара иккис уонна үһүс бүтэһиктээх ааҕыыга патогеннай микроорганизмнары контрабанданан дойдуга киллэрии уонна куттал суох…
Дойду Бэрэсидьиэнэ Владимир Путин сорудаҕынан 2025 сыл тохсунньу 1 күнүттэн «Земскэй учуутал» уонна «Земскэй быраас»…