Күннээҕи гороскоп: бэс ыйын 28 күнэ

Бүгүн, бэс ыйын 28 күнүгэр,  күн араак бэлиэтигэр киирэн, дьиэ кэргэҥҥэ, чугас дьоҥҥо сыһыан, иэйии улахан суолталанар. Дууһа сынньалаҥын, кут-сүр бөҕөргүүрүн ирдиир кэм. Ол эрээри,  уоттаах ый Хахай бэлиэтигэрайар кут арыллар, киэҥ эйгэҕэ тахсыы, бэйэни көрдөрүү баҕата күүһүрэр. Онон бу күн ис иэйиини таска таһаарарга, талааны көрдөрөргө, ол эрээри чугас дьону умнубакка, дьиэ кэргэҥҥэ болҕомтону уурарга тоҕоостоох.

Хой 

Күүстээх энтузиазмыҥ уонна айар кутуҥ дьүөрэлэһэр күнэ. Дьиэҕэр-уоккар тугу эрэ саҥардар, тупсарар санааҥ олоххо киириэн сөп. Чугас дьонуҥ эйигиттэн сүбэ-ама, көмө көрдүөхтэрэ. Лиидэрдиир хаачыстыбаҕын көрдөр, ол эрээри атыттар санааларын истэртэн туттунума. Киэһэ дьиэ кэргэниҥ ортотугар сынньалаҥ эйиэхэ күүс-уох эбиэҕэ.

Оҕус 

Бүгүн тус олоххо кыратык «драманы» киллэрэри сулустар сүбэлииллэр. Дьиэҕин киэргэтэр, маанылыыр баҕаҥ күүһүрүө. Үп-харчы боппуруоһугар ис санааҕар эрэниэххин сөп. Кимниин эрэ истиҥ кэпсэтии эйигин уоскутуо, саҥа санаалары саҕыа. Тапталга кыра бэлэх, болҕомто сыһыаны өссө бөҕөргөтүө.

Игирэлэр

Эн кэпсэтэр, билсэр дьоҕуруҥ бүгүн ордук күүһүрэр. Ол эрээри, кураанах тылынан буолбакка, истиҥ иэйиинэн доҕуһуоллан. Саҥа билсиһиигэ, кылгас айаҥҥа табыгастаах күн. Эйигиттэн үп-харчы эбэтэр сүбэ көрдөөтөхтөрүнэ, аккаастаама. Айар үлэнэн дьарыктанар буоллаххына, бүгүн саамай ситиһиилээх буолуон сөп.

Араак

Бу эн кэмиҥ! Күн эн бэлиэҕэр киирэн, күүскүн-уоххун эбэр, бэйэҕэр эрэлгин бөҕөргөтөр. Урут саарбахтыыр, толлор быһыыгыттан тахсан, баҕа санааҕын толорорго хорсуннук хардыылаа. Үп-харчы эйгэтигэр табыгастаах күн. Ый хахай бэлиэтигэр киириитэ эйигин дьон иннигэр тахсарга, бэйэҥ ситиһиигин билиһиннэрэргэ угуйар.

Хахай 

Бүгүн эн – сыана хотойо! Ый уонна таптал Венера планета эн бэлиэҕэр киирэннэр, харизмаҕын, дьону тардар күүскүн 10 төгүл үрдэтэллэр. Барыта эн тула эргийэр курдук буолуо. Тапталга билинии, кэрэ бэлэхтэри оҥоруу, сынньалаҥ – бу барыта эйигин күүтэр. Ол эрээри, аһара бэйэҕин билинимэ, чугас дьонуҥ болҕомтоҕо наадыйалларын умнума.

Кыыс

Эн анаалыстыыр, ырытар дьоҕуруҥ бүгүн атыттар күүстээх иэйиилэрин кытта харсыһыан сөп. Ис туруккун иһиллээ. Соҕотох хаалан, санааларгын сааһыланар кэм наада буолуон сөп. Айар дьарык (уруһуй, муусука) эбэтэр айылҕаҕа сылдьыы эйиэхэ эйэни, уоскуйууну бэлэхтиэ. Туох эрэ кистэлэҥ арыллыан сөп, эбэтэр эн ким эрэ кистэлэҥин билиэҥ.

Ыйааһын 

Доҕордуу сыһыаҥҥа, уопсастыбаҕа көстүүгэ саамай табыгастаах күн. Тас көрүҥҥүн тупсарарга, саҥа таҥас ыларга, кэрэ эйгэҕэ сылдьарга үтүө кэм. Тапталлааххын кытта таптал киэһэтин тэрийэн атаараргыт сыһыаҥҥытыгар саҥа тыыны киллэриэ. Хамаанданан үлэ ситиһиилээх буолуо, эн эйэлээх санааҥ мөккүөрү быһаарарга көмөлөһүө.

Скорпион 

Бүгүн карьераҕар уонна тус сыалгар улахан болҕомто ууруллар. Салайааччылар эйигин бэлиэтии көрүөхтэрин сөп. Бэйэҥ идэҕэр бастыҥ буоларгын көрдөрө сатаа. Идэҕинэн үүнэргэ-сайдарга саҥа кыахтар арыллыахтарын сөп. Дьиэ кэргэниҥ эйигин өйүүр, ол эрээри үлэҕэ аһара умса түһэн, кинилэри умнан кэбиһимэ.

Охчут 

Ыраах айан, саҥа билии, духуобунай сайдыы күнэ. Атын култууралары, итэҕэллэри үөрэтэргэ интэриэһиҥ уһуктуо. Үрдүк үөрэххэ сыһыаннаах боппуруостар ситиһиилээхтик быһаарыллыахтарын сөп. Үөрэ-көтө сылдьар санааҥ атыттарга да сыстыа. Бэйэҥ олоххо көрүүгүн кэҥэтэр киһини көрсүөҥ, эбэтэр оннук кинигэни ааҕыаҥ.

Чубуку

Дириҥ иэйиилэр, уларыйыылар-тэлэрийиилэр кэмнэрэ. Атын дьон үбүн-харчытын, уопсай баайы кытта сибээстээх дьыалалар үөскүөхтэрин сөп. Нэһилиэстибэ, страховка, кирэдьиит боппуруостара тутатына быһаарыллыахтарын сөп. Кимниин эмэ дууһалыын кэпсэтии сыһыаны саҥа таһымҥа таһаарыа. Бэйэҥ ис кутталгын кытта көрсөн, ону кыайар кыахтааххын.

Күрүлгэн

Кимниин эмиэ саҥаны арыйарга, тэрийэргэ, наадалаах сыһыаны олохтуурга болҕомто күүһүрэр күнэ. Бу тапталлааҕыҥ, доҕоруҥ эбэтэр биисинэс-партнеруҥ буолуон сөп. Мөккүөр үөскээтэҕинэ, куотуна сатаа. Саҥа сөбүлэһии түһэрсииг табыгастаах кэм. Атын киһи эйиэхэ олоххун уларытар сүбэни биэриэн эбэтэр саҥа кыаҕы арыйыан сөп.

Балыктар

Күннээҕи үлэҕэ, доруобуйаҕа болҕомто уурар кэм. Үлэҕэр-хамнаскар кыратык айар тыыны киллэр, оччоҕо үлэ чэпчиэ, түмүгэ үөрдүө. Доруобуйаҕын көрүн: сөпкө аһаа, хамсан. Дьиэ кыылларын кытта алтыһыы ис туруккар дуоһуйууну аҕалыа. Ким эмэ көмөҕө наадыйдаҕына, аккаастаама – эн үтүө санааҥ бэйэҕэр икки бүк эргиллиэ.

Сулустар эһиэхэ сирдьит, сырдык санаа ымыыта буоллуннар! Истиҥ иэйиини таска таһаарартан толлумаҥ, ол эрээри дьиэ кэргэҥҥит сылаас эйгэтин харыстааҥ.