Андрей Сорокин (ЯСИА) хаартыскаҕа түһэриитэ
Дьокуускайга Туймаада ыһыаҕар «Бил», «Таптаа», «Киэн тут» уонна «Хаҥат» диэн түөрт концептуальнай хайысханы түмэр киэҥ далааһыннаах «Ыччат күнэ» бэстибээлэ тэрилиннэ.
Тэрээһин Владимир Путин көҕүлээһининэн дойдуга олоххо киирэр «Ыччат уонна оҕо» национальнай бырайыак «Эдэрдэргэ аналлаах эрэгийиэн» Бүтүн Арассыыйатааҕы куонкуруһун иитинэн буолар.
Ыччат бэстибээлин кыттааччыларын уонна ыалдьыттарын Ил Дархан Айсен Николаев эҕэрдэлээтэ.
«Түгэнинэн туһанан, бүгүн бэлиэтэнэр Ыччат күнүнэн эһигини эҕэрдэлиибин. Саха сирэ – эдэрдэр өрөспүүбүлүкэлэрэ, нэһилиэнньэтин үс гыммыт биирэ – ыччаттар. Бу – эниэргийэ, талаан, көх, көҕүлээһин уонна саҥа үрдэллэргэ дьулуур төрөөбүт өрөспүүбүлүкэ уонна дойду сайдыытын хайысхатын быһаарар сирэ-уота. Эһиги бүгүн өрөспүүбүлүкэ сайдыытыгар көхтөөхтүк кыттаҕыт, биһиги уопсастыбабытыгар туһаны аҕалар саамай хорсун санаалары уонна бырайыактары олоххо киллэрэҕит», – диэн Айсен Николаев ыччат бэстибээлин кыттааччыларыгар туһаайан эттэ.
Дьокуускайга «Ыччат күнэ-2025» үгэс уонна саҥаны киллэрии дьүөрэлэһиитэ буолла, манна хас биирдии кыттааччы бэйэтин сайыннарар хайысхатын булуон сөп. Тэрээһиннэр чэрчилэринэн ыҥырыылаах спикер, ырыаһыт, спортсмен Торнике Квитатианины кытта «Талааны иитии: лиичинэс айар сайдыытыгар дьиэ кэргэн оруола» диэн тиэмэҕэ аһаҕас кэпсэтии буолла, Идэлээх сойуустар федерацияларыттан «Профсоюзтар устуоруйалара» уонна «Кыттыһыҥ» (социальнай гарантиялар тустарынан) диэн остуол оонньуулара ыытылыннылар.
«Хаҥат» (ускуустуба уонна көҕүлээһиннэр) хайысха сүрүн тэрээһининэн «САМОРОДОК» диэн Саха сирин эдэр талааннарын куонкуруһа буолла. Онно Чурапчы, Алдан, Нам, Мэҥэ-Хаҥалас, Орто Халыма, Эдьигээн, Горнай улуустарыттан уонна Дьокуускай куораттан кэлбит кыттааччылар вокал, хореография уонна Stand Up көрүҥнэригэр чаҕылхайдык кытыннылар.
«Киэн тут» (патриотизм уонна үгэстэр) хайысхаҕа кыттааччылары саха национальнай успуорт көрүҥнэригэр уонна мас-рестлиҥҥэ спортивнай оонньуулар, «Знание» уопсастыбаттан «Наука» уонна «Арассыыйаны арыйан» (туризм уонна айылҕа туһунан) квизтэр, ону тэҥэ тэрилтэ үлэтин 12 хайысхатыгар анаммыт «Бастакылар хамсааһыннарын» быыстапката күүтэр.
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…