Амма олохтооҕо полиция үлэһитин үөхсүбүтүнэн сууттаныаҕа

Саха сиринээҕи илин эҥэр улуустар икки ардыларынааҕы силиэстийэлиир отдела 27 саастаах эр киһиэхэ сыһыаннаан, РФ Холуобунай Кодексатын 318-с ыстатыйатын 1-гы чааһынан (былаас бэрэстэбиитэлигэр эбээһинэһин толоро сырыттаҕына күүһү туттуу) уонна 319-с ыстатыйатынан (былаас бэрэстэбиитэлин эбээһинэһин толоро сырыттаҕына дьон иннигэр үөҕүү) көрүллүбүт буруйу оҥорууга холуобунай дьыалатын силиэстийэлээһинин түмүктээтэ.

Силиэстийэнэн быһаарыллыбытынан, ыам ыйын 11 күнүгэр киэһэ Амма сэлиэнньэтин Ленин уулуссатыгар дьиэ таһынааҕы массыына тохтобулугар административнай кэтэбилгэ сылдьар, итирик туруктаах буруйданааччы бэрэбиэркэлиир дьаһаллары ыыта сылдьар полиция үлэһитин түөһүн туһаайыытынан илиитинэн анньыбыт. Ити кэнниттэн буруйданааччыны мэдиссиинэ тэрилтэтин дьиэтигэр уонна полиция отделениетыгар тиэрдибиттэр.

Айаннаан иһэн буруйдаах полиция үлэһитин куттаабыт уонна үөхпүт. Буруйданааччы сокуону кэһэр дьайыыларын полиция үлэһиттэрэ күүһү уоннa анал сириэстибэлэри туһанан тохтоппуттар. Буруйдуур түмүк бигэргэммитин кэннэ холуобунай дьыала дьиҥинэн көрүллэригэр суут көрүүтүгэр ыытылынна, диэн Саха сиринээҕи Силиэстийэлиир кэмитиэтин пресс-сулууспата иһитиннэрэр.