Байыаннай дьайыы бэтэрээнэ Саха сиригэр оҕунан ытыынан дьарыктанарга успуорт тэрилин тутта

Анал байыаннай дьайыы бэтэрээнэ Виктор Винокуров Саха сиринээҕи Оҕунан ытыыга Федерациятатыттан успуорт тэрилин туппутун туһунан федерация пресс-сулууспата иһитиннэрэр.

Федерация бэрэссэдээтэлэ, Саха сирин Инновацияҕа, сыыппара сайдыытыгар уонна инфокоммуникационнай технологияларга миниистирэ Василий Ефимов оҕунан ытыыга наадалаах тэрили бэйэтинэн туттарда.

Кини бу тэриллэр бэтэрээҥҥэ күрэхтэһиилэргэ кыттарыгар уонна ситиһиилэнэригэр көмөлөһүөхтэрэ диэн эрэнэрин биллэрдэ.

Байыаннай иэһин толоро сылдьан ыараханнык бааһырбыт Виктор, 2024 сыл күһүнүттэн СӨ үтүөлээх тириэньэрэ Петр Андросов салайыытынан оҕунан ытыынан дьарыктанан саҕалаабыт.

«Байыаннай киһи быһыытынан этэххэ, бу бинтиэпкэнэн ытыыга майгынныыр – уоскулаҥ уонна түмүллүбүт буолуохха наада», — диэн Винокуров бэлиэтиир.

Кини сыала – Саха сирин уонна Арассыыйа сүүмэрдэммит хамаандаларыгар киирии. «Кини баҕа санаата уонна байыаннай тулуура сыалларын ситиһэригэр көмөлөһүөхтэрэ диэн эрэнэбит», – диэн Василий Ефимов эттэ.