Хаартыска: СӨ үлэҕэ, социальнай сайдыыга министи эристибэтин пресс-сулууспата.
Кыаммат уонна инбэлиит дьону Кырдьаҕастар дьиэлэригэр буолбакка, көрө-истэ ылар ыалга олордуу – бу үтүө түмүктээх ньыма. Кэнники кэмҥэ судаарыстыба маннык ньыманы кэҥэтэн, элбэтэн эрэр. Бүгүҥҥү күҥҥэ өрөспүүбүлүкэҕэ 217 дьиэ кэргэн 231 кырдьаҕаһы, инбэлиити ылан, көрөр-истэр.
2021 сылтан I, II группалаах инбэлииттэр эмиэ дьиэ кэргэҥҥэ олоруохтарын сөп. Бу маннык ньыма соҕотохсуйбут кырдьаҕастарга, инбэлииттэргэ табыгастаах. Дойдуларыттан тэйбэккэ, хааһына тэрилтэтигэр киирбэккэ, дьиэ кэргэҥҥэ эһээ-эбээ оруолун толорон, көрүллэн олороллоро ордук буоллаҕа.
Бу 231 киһиттэн 27-тэ – сэрии, тыыл бэтэрээнэ, 7-тэ – 40-55 саастаах, I, II группалаах инбэлиит. Орто саастара – 66-82, саамай аҕалара 96 саастаах.
— Кыамматы, кырдьаҕаһы көрүү-истии былыр-былыргыттан баар үгэс. 17-с үйэҕэ аҕа уустара тулаайахтары, кыаммат дьону ыалларынан тарҕатан көрөллөрүн-истэллэрин туһунан докумуоҥҥа бигэргэммитэ баар. Онон бу умнуллубут үгэһи сөргүтэр кыах баар, — диэн үлэ, социальнай сайдыы миниистирэ Елена Волкова этэр.
Соҕотох олорор, көрүүгэ-истиигэ наадыйар дьахталлар 55, эр дьон 60 саастарыттан уонна I, II группалаах инбэлииттэр дьиэ кэргэҥҥэ олоро барыахтарын сөп.
Кырдьаҕастары, инбэлииттэри көрөр-истэр дьиэ кэргэҥҥэ бэриллэр ыйдааҕы төлөбүр 22 154 солкуобайга тэҥнэһэр.
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…
Бу өрөбүлгэ «Восточнай» космодромтан «Союз-2.1б» аракыата көппүтэ. Бүлүү улууһун Үгүлээтигэр быыһааччылар бөлөхтөрө "Роскосмос" үлэһиттэрин кытта…
Бүгүн, ахсынньы 29 күнүгэр, өрөспүүбүлүкэ соҕуруу өттүгэр кыралаан хаардыаҕа, киин оройуоннарга сорох сиринэн туманнаах тымныы…