Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэ үп-харчы эйгэтигэр ураты кэм буолуо. Куйаар энергията өссө да Хахай бэлиэтигэр сылдьан, биһиэхэ эрэллээх буолууну, салайар дьоҕуру бэлэхтиир. Ол эрээри, нэдиэлэ сүрүн дьайыытын Меркурий уонна Венера Кыыс бэлиэтигэр көспүттэрэ оҥоруо. Бу —  чуолкайдык ааҕыы-суоттааһын, былааннааһын уонна кэмчилээһин кэмэ. Ороскуот кинигэтин саҕалыырга, докумуоннары бэрээдэктииргэ, сыыһаны-халтыны көннөрөргө саамай табыгастаах түгэн. Дьэ, онон, бу нэдиэлэҕэ сыралаах үлэ уонна чуолкай былаан үп-харчы эйгэтигэр ситиһиини аҕалыахтара.

Хой 

Бу нэдиэлэҕэ энергияҕыт элбэҕин үлэҕитигэр-хамнаскытыгар туһаайыҥ. Сааһыламматах дьыалалары, докумуоннары бэрээдэктииргэ табыгастаах кэм. Ыксааһынтан, тиэтэйииттэн сыыһаны оҥоруоххутун сөп, онон барытын болҕомтолоохтук оҥоруҥ. Ороскуоккутун хонтуруоллуур буоллаххытына, нэдиэлэ бүтүүтэ үпкүт-харчыгыт туруга тупсуо.  Үлэҕитин былааннааҥ, оччоҕо бириэмэни да, харчыны да кэмчилиэххит.

Оҕус 

Айар дьоҕургут харчыны аҕалар кэмэ кэллэ. Сөбүлүүр дьарыккыт эбии дохуот киллэриэн сөп. Бэйэҕит оҥоһуктаргытын атыылыырга, талааҥҥытынан үлэлииргэ хорсун буолуҥ. Улахан атыыны-тутууну оҥорорго нэдиэлэ иккис аҥаара ордук табыллыылаах. Сэрэхтээх үп-харчы инвестицияларыттан туттунуҥ, баар харчыгытын харыстааҥ.

Игирэлэр

Дьиэ-уот үбүн-харчытын бэрээдэктиир кэм. Хомунаалынай төлөбүрдэри, иэстэри сабарга табыгастаах нэдиэлэ. Дьиэ кэргэҥҥитин кытта үп-харчы боппуруостарын ырытыһыаххытын сөп. Кэпсэтии нөҥүө барыстаах этиилэр киириэхтэрин сөп, сүрүнэ – сиидэлээн, саамай туһалааҕын талыҥ.Үп-харчы боппуруоһугар интуицияҕытыгар буолбакка, чуолкай суоттааһыҥҥа эрэниҥ.

Араак 

Дуогабар түһэрсэргэ, үлэ кэпсэтиитин ыытарга ситиһиилээх нэдиэлэ. Тылыттан-өһүттэн тутулуктаах үлэлээх дьоҥҥо (суруналыыстар, учууталлар) эбии харчы киириэн сөп. Кыра айаннар, командировкалар үп-харчы өттүнэн туһаны аҕалыахтара. Ханнык баҕарар докумуоҥҥа илии баттыаххыт иннинэ, кыра буукубаларыгар тиийэ болҕойон ааҕыҥ.

Хахай 

Нэдиэлэ устата ороскуот боппуруоһа бастакы миэстэҕэ турар. Баҕа санаа элбэҕиттэн ороскуот тахсыан сөп. Талааҥҥытын, сатабылгытын туттан, хайдах эбии дохуот киллэриэххэ сөбүн толкуйдааҥ. Үлэҕитигэр көрдөрбүт кыһамньыгыт хамнаска эбилиэн сөп. Бүддьүөтү оҥостуҥ уонна онтон туораабатаргыт, нэдиэлэ бүтүүтэ харчыгыт оннунан хаалыа.

Кыыс 

Бу – эһиги нэдиэлэҕит! Эһиги өйгүт, чуолкайы сөбүлүүр майгыгыт үпкэ-харчыга ситиһиини аҕалыа. Үлэҕитигэр саҥа, көдьүүстээх ньымалары киллэриэххитин сөп. Эбии үлэттэн эбэтэр бытархай сорудахтартан киирэр харчы күүтэр.  Бэйэҕитигэр эрэниҥ уонна былааннаргытын олоххо киллэрэртэн толлумаҥ.

Ыйааһын 

Кистэлэҥ дохуот, эбэтэр урут умнуллубут иэс төннүөн сөп. Нэдиэлэ устата улаханнык харчы ыскайдыыртан туттунуҥ. Үп-харчы былааннарын соҕотоҕун, чуумпуга олорон оҥостор ордук. Урукку алҕастаргытын ырыҥалаан, инникитин хайдах үлэлиэхтээххитин быһаарыныҥ.  Улахан атыыны оҥоруох иннинэ, «бу миэхэ дьиҥнээхтии наадалаах дуо?» диэн ыйытан көрүҥ.

Скорпион 

Доҕоттор, биир санаалаахтар көмөлөрүнэн үп-харчы туруга тупсуон сөп. Бииргэ оҥорор бырайыактар барыыһы киллэриэхтэрэ. Кэлэр кэскилгэтин былаанныырга, инвестиция туһунан толкуйдуурга табыгастаах кэм. Технология эйгэтигэр сыһыаннаах дьыалалар ситиһиилэниэхтэрэ  Саҥа идиэйэлэртэн куттанымаҥ, ол эрээри харчы угар иннинэ барытын үчүгэйдик үөрэтиҥ.

Охчут 

Карьераҕытыгар, үлэҕитигэр-хамнаскытыгар болҕомто уурар кэм. Салайааччылар эһиги кыһамньыгытын, дьыалаҕа сыһыаҥҥытын бэлиэтии көрүөхтэрэ. Бу идэҥэ таһымҥытын көрдөрөн, хамнаскытын үрдэттэрэр эбэтэр дуоһунаскытын үрдэтэр кыаҕы биэриэ. Үлэҕитигэр кыра да сорудаҕы үрдүк хаачыстыбалаахтык толорорго кыһаныҥ.

Чубуку 

Үөрэххэ, бэйэни сайыннарыыга укпут харчыгыт кэлин элбэҕинэн эргиллиэ. Квалификацияны үрдэтинэр куурустарга суруттарыаххытын сөп. Атын дойдулары кытта сибээстээх үп-харчы боппуруостара үчүгэйдик быһаарыллыахтара. Юридическай боппуруостары быһаарсарга табыгастаах күн. Уһун болдьохтоох былааннары оҥоруҥ, билигин олор чопчу ситиһиилээх буолуохтара.

Күрүлгэн

Нэдиэлэ уопсай үпкэ-харчыга, иэскэ, страховкаҕа, нолуокка сыһыаннаах буолуо. Иэскитин төлүүргэ, кирэдьиит усулуобуйатын хат көрөргө табыгастаах нэдиэлэ. Тапталлааххыт, доҕоргут дохуота эһиги үпкүтүгэр-харчыгытыгар дьайыан сөп. Үп-харчы боппуруоһугар аһаҕас буолуҥ, чугас дьоҥҥутуттан сүбэ көрдүүртэн кыбыстымаҥ.

Балыктар

Тапталлааххытыгар, доҕоргутугар сыһыан үпкэ-харчыга улахан дьайыыны оҥоруо. Биисинэс-партнергутун эбэтэр олоххут аргыһын кытта үп-харчы былаанныыры ырытыҥ. Саҥа сөбүлэҥнэри, дуогабардары түһэрсии ситиһиилээх буолуо. Албакаат, консультант, сүбэһит көмөтө туһаны аҕалыан сөп. Утарылаһааччылары кытта уопсай тыл булан, барыгытыгар барыстаах быһаарыыга кэлиэххитин сөп.