Ньурбаҕа эр дьон ууга былдьанна

Бүгүн, балаҕан ыйын 19 күнүгэр, Ньурба оройуонугар икки эр киһи суорума суолланна диэн СӨ Быыһыыр сулууспата иһитиннэрдэ.

Түмүк нэһилиэгин Түкүндэ күөлүгэр быһылаан буолбутун туһунан ЕДДС диспетчеригэр иһитиннэрбиттэр.

Барыллаан дааннайынан, бу күөлгэ Маар сэлиэнньэтин икки олохтооҕо ууга былдьаммыт.

07:20 чааска Ньурбатааҕы көрдүүр-быыһыыр этэрээтин түөрт быыһааччыта быһылаан буолбут сиригэр айаннаабыт. Кинилэр тиийиилэригэр олохтоох дьон икки эр киһини ууттан таһаарбыт. Көрдөөһүҥҥэ Маар сэлиэнньэтин 10 олохтооҕо кыттыбыт.

Билигин туох буолбута сиһилии быһаарыллар. Миэстэтигэр быраабы араҥаччылааччылар үлэлииллэр.