Күннээҕи гороскоп: алтынньы 18 күнэ

Астрологияҕа Субуота күнү Сатурн планета салайар. Сатурн – бэрээдэк, эппиэтинэс, тулуур уонна дьылҕа-хаан бэлиэтэ. Ол иһин бу күн кэпсэтииттэн, наадата суох сырыыттан туттунар ордук. Инникигэ олук уурар, былаанныыр, сааһылыыр, ыарахан соругу быһаарар үлэҕэ ылсар ордук табыгастаах.

Бу күн Ый Чубуку  бэлиэтигэр сылдьар. Бу эмиэ Сатурн сабыдыаллаах бэлиэ буолан, күн уопсай энергиятын өссө күүһүрдэр. Ол аата, барыбыттан туруктаах буолуу, дьыалаҕа олоҕурар сыһыан ирдэнэр.

Хой

Эһиги күдэхтээх, түргэн-тарҕан энергияҕыт бүгүн кыратык хаайтарыан сөп. Сатурн бэрээдэгэ эһиги ыксаабыт санааҕытын уоскутуоҕа. Ыскайданымаҥ, улахан быһаарыныыны ылынымаҥ. Ол оннугар, бу күнү инники былааннаргытын чуолкайдыырга, докумуоннаргытын сааһылыырга аныаххытын сөп. Күүппэтэх өттүгүтүттэн кырдьаҕас киһиттэн сүбэ-ама кэлиэҕэ – болҕойон истиҥ.

Оҕус

Оҕустар, бүгүн эһиги күүстээххит. Ый Чубуку бэлиэтигэр сылдьара эһиги сир стихияҕытын кытта дьүөрэлэһэр. Үпкэ-харчыга сыһыаннаах дьыалалары быһаарарга, уһун болдьохтоох былааннары оҥорорго табыгастаах күн. Дьиэҕитигэр-уоккутугар туһалааҕы оҥоруҥ: өрөмүөн кыра үлэтин саҕалааҥ, кыһыҥҥы хаһааскытын бэрэбиэркэлээҥ. Бүгүн саҕаламмыт дьыала ситиһиилээхтик түмүктэниэҕэ.

Игирэлэр

Эһиги чэпчэки, кэпсэтинньэҥ буоларгытыттан бүгүҥҥү күн уустук буолан көстүөн сөп. Сатурн энергията элбэх саҥаттан туттунарга, дьыалаҕа киирэргэ ыҥырар. Дьону кытта кэпсэттэххитинэ, кураанах тылы эппэккэ, сүрүн боппуруостары ырытыҥ. Үөрэххэ сыһыаннаах ыарахан тиэмэни үөрэтэргэ, кинигэ ааҕарга табыгастаах кэм. Эппит тылгытыгар эппиэттииргит ирдэниэ.

Араак

Бүгүн эһиэхэ уустук күн буолуон сөп, тоҕо диэтэххэ Ый эһиги бэлиэҕит утары турар. Санааҕыт түргэнник уларыйыан, туохха эрэ хомойуоххутун, долгуйуоххутун сөп. Дьиэ кэргэҥҥитигэр, чугас дьоҥҥутугар болҕомтото ууруҥ, ол эрээри кинилэр кыһалҕаларын бэйэҕитигэр ылыммытынан барымаҥ. Чуумпу эйгэҕэ, айылҕаҕа сылдьан күүс-уох мунньунаргыт ордук.

Хахай

Эһиги, хаһан баҕарар курдук, киин болҕомтоҕо сылдьыаххытын баҕарыаххыт. Ол эрээри, бүгүҥҥү күн күүстээх үлэттэн, дьону кытта алтыһартан туттунарга сүбэлиир. Күүскүтүн-уоххутун дьиҥнээх, туһалаах дьыалаҕа ууруҥ. Салайааччы быһыытынан дьону түмэргэ, үлэни сааһылыырга дьоҕургут арыллыаҕа. Биир киһини кытта сүбэлэһэн оҥорбут былааҥҥыт ордук ситиһиилээх буолуо.

Кыыс

Кыыстар, бу эһиги күҥҥүт! Сатурн уонна Ый энергиялара эһиги бэрээдэги сөбүлүүр уратыгытын толору өйүүллэр. Бүгүн тугу барытын миэстэтигэр уурар, ыраастыыр, наардыыр күн. Үлэҕитигэр, дьиэҕитигэр мунньуллубут кыра үлэлэри  оҥорон иһиҥ. Доруобуйаҕытыгар болҕомто уураргыт, эрдэттэн былааннаммыт бырааска көрдөрүнэргит ордук.

Ыйааһын

Күн эһиги бэлиэҕитигэр сылдьар, ол эһиэхэ күүс-күдэх эбэр. Ол да буоллар, бүгүн эһигиттэн быһаарыныылаах буолуу ирдэнэр. Партнергытын, кэргэҥҥитин кытта сыһыаҥҥа эппиэтинэһи ылынар кэм кэллэ. Өр кэмҥэ быһаарыллыбакка сылдьыбыт боппуруоһу ырытарга табыгастаах күн. Дуогабар эбэтэр ханнык эрэ сөбүлэһии түһэрсиллэр буоллаҕына, бары пууннарын болҕойон ааҕыҥ.

Скорпион

Эһиги дириҥник толкуйдуур, кистэлэҥи сөбүлүүр дьон буолаҥҥыт, бүгүҥҥү күн энергиятын сөпкө туһаныаххыт. Ханнык эрэ уустук боппуруоһу чинчийэр, дириҥник үөрэтэр кыах үөскүөҕэ. Үп-харчы боппуруостарыгар сэрэхтээх буолуҥ, улахан иэскэ кииримэҥ. Интуицияҕыт күүһүрүөҕэ, онон ис сүрэххит тугу этэрин истэ үөрэниҥ.

Охчут

Көҥүлү сөбүлүүр Охчуттарга бүгүҥҥү бэрээдэктээх күн кыратык күчүмэҕэйдик ааһыан сөп. Ханна эрэ айанныыр былааннаах буоллаххытына, барыта былаан быһыытынан туолбатыгар бэлэм буолуҥ. Ол оннугар, бу күнү үөрэххэ-билиигэ, бэйэни сайыннарыыга аныыргыт ордук. Уһун болдьохтоох сыалы (холобур, саҥа идэни баһылыыры) туруорунан, онно бастакы хардыыны оҥоруҥ.

Чубуку

Чубукулар, Ый эһиги бэлиэҕитигэр сылдьар – бу эһиги күҥҥүт! Күүс-уох эбиллэр, санааҕыт бөҕөргүүр. Туруоруммут сыалгытын ситиһэргэ бары кыах баар. Сүрүн үлэҕитигэр, карьераҕытыгар болҕомтото ууруҥ. Салайааччыларгыт эһиги үлэҕитин сыаналыахтара. Эппиэтинэстээх сорудаҕы ылынартан толлумаҥ, бүгүн эһиги ону кыайыаххыт.

Күрүлгэн

Сатурн эһиги иккис салайааччыгыт буоларын быһыытынан, бу күн энергията эһиэхэ чугас. Ол эрээри, бүгүн элбэх киһилээх сиртэн, айдаантан-куйдаантан тэйиччи сылдьаргыт ордук. Соҕотоҕун олорон, инники былааннары толкуйдуурга, саҥа идиэйэлэри сурунарга табыгастаах. Доҕотторгут көмөҕө наадыйдахтарына, тылынан буолбакка, дьыаланан көмөлөһө сатааҥ.

Балыктар

Бүгүҥҥү күн «кураанах» энергията эһиги уйан дууһаҕытыгар кыратык ыһыан сөп. Ыра санааҕа олорбокко, олоххо-дьаһахха сыһыаннаах дьыаланан дьарыктаныҥ. Холобур, дьиэ хомуйуута, астааһын-үөллээһин санааҕытын сааһылыырга көмөлөһүө. Ким эмэ аһыныгас санааҕытынан туһанаары гыннаҕына, «суох» диэн этэргэ үөрэниҥ.

Бу күн – инникини былаанныырга тоҕоостоох күн. Бүгүн оҥорбут дьыалаҕыт, ылыммыт быһаарыныыгыт инники олоххутугар тирэх буолуоҕа. Тулуурдаах, дьулуурдаах, эппиэтинэстээх буолуҥ! Сулустар эһиэхэ ситиһиини сипсийдиннэр.