Хаартыска: СИА
Ил Дархан Айсен Николаев көҕүлээһининэн Саха сиригэр 25-гэр диэри саастаах эдэр дьон аан бастаан ыал буолалларыгар биир кэмнээх харчынан көмө эбии оҥоһуллуо.
Алтынньы 18 күнүгэр тустаах сокуон барыла парламеҥҥа бастакы ааҕыыны ааста. Ол эбэтэр Судаарыстыбаннай мунньах (Ил Түмэн) пленарнай мунньаҕар «Саха Өрөспүүбүлүкэтигэр дьиэ кэргэн, ийэ, аҕа уонна оҕо аймах харыстабылын туһунан» өрөспүүбүлүкэтээҕи сокуоҥҥа уларыйыылар киллэриллэллэр. Норуот дьокутааттара сокуон барылын ылыныыны бастакы ааҕыыга бигэргэттилэр. Саҥаны киллэриилэргэ 25-гэр диэри саастаах эдэр дьон аан бастаан ыал буолалларыгар харчынан биир кэмнээх төлөбүр быһыытынан эбии өйөбүл 2024 сылтан олохтонорун туһунан баар.
«Бу боппуруос олус суолталаах уонна дьиэ кэргэн сыаннастарын бөҕөргөтөргө, статуһун үрдэтэргэ эрэ буолбакка, уопсайынан оҕо төрөөһүнэ элбииригэр көмөлөһүө дии саныыбын», — диэн Айсен Николаев бэлиэтээн эттэ.
Өйөбүл бу эбии көрүҥүн олоххо киллэрэргэ сыл аайы судаарыстыбаннай бүддьүөттэн 85 мөлүйүөн солкуобай ирдэниэҕэ.
СӨ Ил Дарханын уонна бырабыыталыстыбатын пресс-сулууспата
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…