25 нэһилиэнньэлээх пуун маастар-былааннара оҥоһулуннулар

Саха сиригэр Дьокуускай уонна Нерюнгри куораттар маастар-былааннара олоххо киллэриллэр. Маны таһынан, өссө 23 нэһилиэнньэлээх пуун былааннара оҥоһуллубуттар.

Бу туһунан СӨ Ил Дархана Айсен Николаев Ил Түмэн пленарнай мунньаҕар сыллаҕы отчуокка эттэ.
—Олорор эйгэни уларытарга маастар-былааннар оруоллаахтар. Дойду Бэрэсидьиэнин таһымыгар бигэргэтиллибит Дьокуускай уонна Нерюнгри былааннарын таһынан,  өссө 23 нэһилиэнньэлээх пууннар маастар-былааннара оҥоһуллубуттара. Ол иһигэр, 2024 сылга, биэс сэлиэнньэ уонна улуустар кииннэрэ киирэллэр. Маастар-былааннар нэһилиэнньэ ирдэбилин көрдөрөллөрө, предпринимательскай үлэҕэ уонна сир-уот экэнэмиичэскэй баазатын сайыннарыыга тирэх буолаллара, көҕүлүүр суолталаналлара наада, — диир Айсен Николаев.

2024 сылга Мэҥэ Хаҥалас улууһун Сыымах с., Томпоҕо Хаандыга, Анаабырга Сааскылаах маастар-былааннара оҥоһуллубуттар, Булуҥҥа Тиксии-Найба, Горнайга Бэрдьигэстээх агломерациятын сайыннарыы киирэллэр. Маны сэргэ, Дьокуускайга 68-с түөлбэ сирин-уотун сайыннарыы маастар-былаанын бырайыага оҥоһуллубут.

Дьокуускай уонна Нерюнгри маастар-былааннарын олоххо киллэрии иитинэн, 2025-2030 сс. социальнай инфраструктураны сайыннарыы былааннанар.

Сиһилии https://www.sakha.gov.ru/news/633 манна киирэн көрүҥ.

СӨ Ил Дарханын уонна Бырабыыталыстыбатын пресс-сулууспата

Андрей Сорокин хаартыскаҕа түһэриитэ, ЯСИА