2,5 тыһ. үөрэнээччи Уһук Илини сайыннарар, үөрэтэр кэскили үөрэттилэр

“Арассыыйа” национальнай кииҥҥэ үөрэнээччилэр пуорумнара буолан ааста. Тоҕус күн уста үрдүкү кылаас оҕолоругар дойду тэтимнээхтик сайдар эрэгийиэнин – Уһук Илин уокуругу билиһиннэрдилэр.  

Үөрэнээччилэр пуорумнарыгар Москваттан, ону тэҥэ, Москва, Рязанскай, Смоленскай, Владимирскай, Калужскай, Ярославскай, Брянскай, Костромской уонна Ивановскай уобаластартан 2,5 тыһ. тахса оҕо кытынна.

Пуорум сүрүн соруга – дойду киин эрэгийиэннэрин үөрэнээччилэригэр Уһук Илин уокурук бастыҥ үрдүк, орто үөрэхтэрин кыһаларын кытта билиһиннэрии, үлэ, туризм, олох, социальнай бырагыраама, көһөн кэлээччилэргэ чэпчэтии, бэйэ биисинэһин арынар, сайдар  кыахтары арыйыы.

“Уһук Илин уокурукка ыччат, ол иһигэр атын сиртэн көһөн кэлээччилэр, үөрэнээччилэр, бүтэрбиттэр бэйэлэрин судургутук сананалларын туһугар саҥа үлэ миэстэлэрэ, инфраструктура тэриллэллэр. Бу туһунан биһиги оҕолорго Үөрэнээччилэр пуорумнарын иитинэн тириэрдэр соруктаахпыт” – диэн пуоруму ыытааччы, “Национальные приоритеты” Уһук Илини, Арктиканы сайыннарыыны бырайыактыыр офис салайааччыта Юлия Шувалова кэпсээтэ.

Ити туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.