25 тыһыынча киһи социальнай хантараагы ылбыт

Share

2010 сыллаахха дойду үрдүнэн социальнай бырайыак быһыытынан киллэрбиттэрэ. Саха сирэ бу саҥа ньыманы боруобалаабыт биир бастакы эрэгийиэн буолар. Бу бырагыраама “Демография” национальнай бырайыак чэрчитинэн ыытыллар. Үлэтэ суох хаалбыт дьоҥҥо, кыра дохуоттаах дьиэ кэргэттэргэ көмөлөһөр, дьарыктаах буолууну хааччыйар сыаллаах.

Хаартыска: Ил Дархан, бырабыыталыстыба дьаһалтатын пресс-сулууспата.

2010 сылтан ыла 25 тыһыынча кэриҥэ киһи бэйэ дьыалатын арыйда, сайыннарда, саҥа идэҕэ үөрэннэ, материальнай балаһыанньатын тупсарда. Бу манна барытыгар 1,9 миллиард солкуобай кэриҥэ үп көрүллүбүтэ, — диэн үлэ, социальнай сайдыы миниистирэ Елена Волкова кэпсиир.

Ил Дархан Айсен Николаев 2023 сыллаах Анал этиитигэр социальнай хантараакка судаарыстыбаннай көмө уопсай сууматын сылга 1 миллиардка диэри улаатыннарар туһунан эппитэ. Ону тэҥэ, дьон ылар суумата эмиэ улаатыахтаах. Онон быйыл 5 тыһыынчаттан тахса киһи социальнай хантараагы ылара былааннанар.

Хаартыска: СИА.

Үлэ, социальнай сайдыы министиэристибэтэ иһитиннэрбитинэн, 2019-2022 сылларга 19 963 кыаммат ыал социальнай хантараак түһэрсибит. Ол иһигэр: бэйэ дьыалатыни арынарга – 3444 ыал, кэтэх хаһаайыстыбаны сайыннарарга – 1948 ыал, үлэ көрдөнөргө – 760 ыал, ыарахан балаһыанньаттан тахсарга – 13 780 ыал ылан туһаммыт.

2023 сылтан үлэ көрдүүргэ, бэйэ дьыалатын арынарга 350 тыһыынча солкуобайы, кэтэх хаһаайыстыбаны сайыннарарга – 250 тыһыынча солкуобайы ылыахтарын сөп. Оттон ыарахан балаһыанньаҕа киирбит дьоҥҥо 6 көрүҥнээх “Социальнай бакыат” диэн көрүллэр.

Быйылгыттан уопсай дохуоттара тиийинэн олоруу алын кээмэйиттэн намыһах (оҕоҕо ыйдааҕы төлөбүрдэри ылбыттарын үрдүнэн) дохуоттаах дьиэ кэргэттэргэ анал бырагыраама көрүлүннэ. Ону тэҥэ, үлэлиир кыахтаах инбэлииттэр үөрэммиттэрин, эбэтэр, үлэнэн реабилитацияны ааспыттарын кэннэ, дьарык, үлэ булалларыгар, дохуоттарын үрдэтэллэригэр туһуламмыт анал бырагыраама үлэлиир.

Recent Posts

  • Сонуннар
  • Сүрүн

Биллиилээх суруналыыс Иван Ушницкай олохтон туораата

Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын  сойууһун,  РФ уонна СӨ суруйааччыларын…

6 часов ago
  • Сонуннар
  • Уопсастыба

Түөкүттэр албастара элбиир

Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…

9 часов ago
  • Бэрээдэк
  • Сонуннар
  • Уопсастыба

ЮРИСТ СЭРЭТЭР: Харыйаны мээнэ быраҕар сатаммат

Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…

9 часов ago
  • Сонуннар
  • Уопсастыба

Быйылгы страховой биэнсийэ орто кээмэйэ билиннэ

Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…

10 часов ago
  • Сонуннар
  • Уопсастыба

Борокуратуура тулаайах оҕолор бырааптарын көмүскээтэ

СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…

10 часов ago
  • Бырабыыталыстыба отчуота
  • Сонуннар
  • Уопсастыба

Саха сиригэр инфраструктураны сайыннарыыга 207 мөл. солк. көрүлүннэ

Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…

11 часов ago