Айсен Николаев Алдан оройуонун баһылыгын кытта көрүстэ

Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. 

Кэпсэтии кэмигэр өрүттэр муниципалитет сайдыытын сүрүн хайысхаларын — бырамыысыланнастан, тыа хаһаайыстыбатыттан саҕалаан социальнай эйгэҕэ, ыччат бэлиитикэтигэр, дьиэ-уот коммунальнай хаһаайыстыбатын боппуруостарыгар тиийэ дьүүллэстилэр.

Туспа болҕомто итиинэн хааччыйар эбийиэктэри муниципалитет бас билиитигэр биэрии боппуруостарыгар уурулунна. Айсен Николаев сылааһынан хааччыйыы ситимэ эрэллээх буолуоҕун этэр.

—Дьон олорор усулуобуйата тупсуоҕа. Балаҕан ыйыгар «Быһа лииньийэҕэ» чуолаан ити тиэмэҕэ оройуонтан элбэх ыйытыы киирбитэ. «Саахалланар туруктаах хаарбах дьиэттэн гражданнары көһөрүү» аадырыстаах бырагыраама иитинэн 2025-2027 сс. икки тыһыынчаттан тахса киһи көһөрүллэрэ былааннанар, — диэн эттэ Ил Дархан.

Бүгүҥҥү туругунан 8,1 тыһ. киһи көһөрүллүбүт, бу уопсай былаан 96% тэҥнэһэр. 2019-2023 сс. түһүмэхтэр толоруллубуттар. 2024 сыллааҕы бырагырааманы олоххо киллэрии салҕанар.

Сиһилии: https://www.sakha.gov.ru/news/14553

СӨ Ил Дарханын уонна Бырабыыталыстыбатын пресс-сулууспата