Күргүөмнээх үлэ оргуйан олордо

Суотту нэһилиэгэр тыыл бэтэрээннэригэр, сэрии тулаайаҕар, байыаннай дьайыы кыттыылаахтарын дьиэ кэргэттэригэр, Суотту балыыһатыгар муус ылыытыгар маассабай субуотунньук олохтоох дьаһалта (баһылык Баишев В.П., солб. баһылык Черкашина Н.Г.) уонна социальнай харалта үлэһиттэрин (Тарасова Т.И., Прудецкая М.В.) тэрээһиннэринэн буолла.

Нэһилиэк олохтоохторо, биэнсийэлээхтэр, үлэ тэрилтэлэрэ, ыччаттар, ким да туора турбакка өрө көтөҕүллэн субуотунньукка таҕыстылар. Муус ылыытыгар нэһилиэк тэрилтэлэрэ бука бары кэлэн үлэ күөстүү оргуйда. Ол курдук, Суоттутааҕы Дьиэ-уот коммунальнай хаһаайыстыбатын үлэһиттэрэ (сал. Черкашин Н.Н., баһаарынай чаас кэлэктиибэ, сал. Местников Н.Н), » Доҕордоһуу» түмэл кэлэктиибэ (сал. Охлопков С.С.- Айым), Суоттутааҕы техникум кэлэктиибэ (сал. Стрекаловскай А.В.), Суотту орто оскуолата (сал. Петухова И.М.), ТХПК «ЛЕНА», «ТУЙМА» кэлэктииптэрэ (сал.Черкашин М.А., Мухин В.П.), Суоттутааҕы СПЕЦСЕРВИС ХЭУо тэрилтэтэ (маастар Парников Ю.И.) Хоноҕор сүрүн оскуолатын (сал. Федорова О.В), «Кустук», «Чуораанчык» оҕо уһуйааннара (салайааччылар Спиридонова М.Н., Заровняева Г.П.), Хоноҕордооҕу «Түһүлгэ» СК (сал. Гоголева Е.Н.) үлэлээтилэр.
Субуотунньук дьонугар минньигэс эбиэти «Мичээр» сынньалаҥ киинин үлэһиттэрэ (сал. Патрасова В.В.) , социальнай харысхал исписэлиистэрэ, балыыһа үлэһиттэрэ (сал. Пономарева Т.И.) тэрийдилэр, тэрилтэлэр ас арааһын астаан аҕаллылар, бородууктанан хааччыйдылар. Сыллата субуотунньуктарга иҥэмтиэлээх минньигэс эбиэти бэлэмниир дьоммутугар үлэһиттэр махталларын тиэртилэр.

Тырахтарыыстар: Сивцев А. Л., Заровняев П.Н.,, Андросов В.Н., Черкашин Уо.Н., Татаринов И.С., Белолюбскай Е.А., Константинов А.А., Добрецов Г.Г. ылыллыбыт мууһу тиэргэҥҥэ тиэрдэн биэрдилэр. Дьон-сэргэ онтон олус үөрдэ.
Сыллата ыытыллар тымныы кыһыммытыгар бэлэмнэнии биир эппиэттээх тэрээһинэ олус көхтөөхтүк, тэтимнээхтик ыытыллан махтал истиҥ тыллара этилиннилэр.

Раиса Черкашина

Суотту, Уус Алдан.

Хаартыскалар Зоя Заровняева, Василий Баишев, Николай Местников түһэриилэрэ.