Күннээҕи гороскоп: сэтинньи 9 күнэ

Бу күн киһи ис эниэргийэтэ, бэйэҕэ эрэлэ күүһүрэр. Ый Балыктар бэлиэлэригэр киирэн, сэрэйэн көрөр дьоҕур, аһыныгас санаа, айар кут уһуктар. Бүгүн тугу эмэ быһаараргар төбөҕүнэн толкуйдуурдааҕар, сүрэҕиҥ сибигинийэрин истэриҥ ордук буолуо. Дириҥ иэйиилэр, кистэлэҥ баҕа санаалар тахсар кэмнэрэ.

Хой

Бүгүн эһиэхэ ыксаабакка, болҕомтолоох буоларгыт наада. Энергияҕыт элбэх, ол эрээри ону таска ыһыктыбакка, ис туруккутун бөҕөргөтүүгэ, кэлэр кэскилгитин былаанныырга туһаныҥ. Соҕотох хаалан толкуйдуур, дууһаҕытын уоскутар кэмнэргитигэр күүс киириэ.

Оҕус

Доҕотторгутун кытта алтыһарга, санаа атастаһарга олус табыгастаах күн. Саҥа дьону кытта билсиһиэххитин, биир интэриэстээх дьоҥҥутун булуоххутун сөп. Кэлэктиибинэн үлэлиир буоллаххытына, бүгүн үтүө түмүктэри ситиһиэххит. Айар дьоҕургут арыллыа.

Игирэлэр

Карьераҕытыгар, үлэҕитигэр-хамнаскытыгар болҕомто ууруллуо. Салайааччыларгыт эһиги үлэҕитин сыаналыахтара. Бүгүн сэрэйэн көрөр дьоҕургут көмөтүнэн сөптөөх быһаарыныыны ылыныаххыт. Дьоҥҥо-сэргэҕэ көстөр, бэйэни көрдөрөр үлэҕэ ситиһии күүтэр.

Араак

Саҥаны билэргэ-көрөргө, кэскиллээҕи кэҥэтэргэ аналлаах күн. Айанныырга, саҥа үөрэҕи саҕалыырга, эбэтэр духуобунай сайдыыга күүскүтүн уурарга табыгастаах. Ырааҕы, дириҥи толкуйдуоххут. Сүрэххит баҕатын толорортон толлумаҥ.

Хахай

Бүгүн улахан уларыйыылар, трансформация кэмэ буолуон сөп. Үп-харчы эбэтэр атын киһини кытта холбоһуктаах баай-дуол боппуруостара күөрэйиэхтэрэ. Ис туруккутугар улахан болҕомтону ууруҥ. Куһаҕан дьаллыктартан босхолонорго, бэйэҕэ саҥаны киллэрэргэ үчүгэй кэм.

Кыыс

Сыһыаннаһыыга, бииргэ үлэлээһиҥҥэ сүрүн болҕомто ууруллуо. Чугас киһигитин, доҕоргутун эбэтэр үлэҕитигэр бииргэ үлэлиир киһигитин кытта өйдөһүү тахсыа. Кэпсэтии, санаа атастаһыы түмүгэр элбэҕи ситиһиэххит. Атын киһи санаатын истэ үөрэниҥ.

Ыйааһын

Доруобуйаҕытыгар уонна күннээҕи түбүккүтүгэр болҕомто уурар кэм. Аскытын-үөлгүтүн көрүнүҥ, сынньалаҥҥытыгар бириэмэ аныахтааххыт. Күннээҕи үлэҕитин сааһылаатаххытына, элбэх ситиһии күүтэр. Үлэлиир сиргитигэр эйэлээх сыһыаны олохтооҥ.

Скорпион

Дьиҥнээх айар-тутар, таптыыр-таптатар күҥҥүт. Дууһаҕыт сынньаныа, үөрүө-көтүө. Тапталлааххытын кытта романтическай киэһэни атаарарга, оҕолоргутун кытта оонньуурга эбэтэр сөбүлүүр дьарыккытынан дьарыктанарга туохтааҕар да табыгастаах.

Охчут

Дьиэ кэргэҥҥэ, дьиэҕэ-уокка анаммыт күн. Чугас дьоҥҥутугар болҕомтоҕутун ууруҥ, кинилэргэ кыһамньыгытын көрдөрүҥ. Дьиэ иһинээҕи эйэни, сылаас сыһыаны олохтуур наада. Өбүгэлэргитин санааҥ, төрүт-уус ситимин күүһүрдүҥ.

Чубуку

Кэпсэтии, билсиһии-көрсүһүү күнэ. Саҥа сонуннары истэн үөрүөххүт. Докумуонунан үлэлииргэ, кылгас айаҥҥа барарга табыгастаах. Санааҕытын сааһылааҥ, аһаҕастык этэртэн толлумаҥ, дьон эһигини өйдүө. Аймахтаргытын кытта сибээскитин бөҕөргөтүҥ.

Күрүлгэн

Үп-харчы боппуруоһа бастакы миэстэҕэ тахсыа. Барыскытын ааҕынарга, ороскуоккутун былаанныырга үчүгэй кэм. Бэйэҕитин сыаналаныыгыт үрдүө. Дууһаҕытын сылаанньытар, үөрдэр малы-салы атыылаһыаххытын сөп.

Балыктар

Бүгүн — эһиги күҥҥүт! Тус бэйэҕитигэр болҕомтото ууруҥ. Тас көрүҥҥүтүн тупсарынарга, саҥа таҥас атыылаһарга, бэйэҕитин эргиччи сайыннарарга табыгастаах. Интуицияҕыт күүһүрэн, барытын сөпкө өтө көрүөххүт. Саҥаны саҕалыырга эрэллээх буолуҥ.