Хаартыскаҕы Айаал Молокотин түһэриитэ.
Уус Алдан улууһун Суотту нэһилиэгэр «Мичээр» култуура киинигэр «Суотту нэһилиэгэ» тыа сирин түөлбэтин дьаһалтатын көҕүлээһининэн кэлэр 2026 сылга «Олохтоох көҕүлээһини өйүүр бырагыраама» (ППМИ-2026) чэрчитинэн өрөспүүбүлүкэ үрдүнэн бастыҥ бырайыактары талыыга кыттыы туһунан нэһилиэк уопсай мунньаҕа буолан ааста.
Мунньаҕы Суотту нэһилиэгин баһылыга Василий Петрович Баишев иилээн-саҕалаан ыытта. Баһылыгы солбуйааччы Надежда Гаврильевна Черкашина «Олохтоох көҕүлээһини өйүүр бырагыраама» (ППМИ-2026) туһунан, ону тэҥэ эрдэ куйаар ситимин нөҥүө ыытыллыбыт нэһилиэк сайдыытыгар туһуламмыт икки бырайыакка куоластааһын түмүгүн сырдатта.
Куоластааһыҥҥа 714 киһи кыттыбытын, онтон 79,2 % киһи нэһилиэккэ түргэн интэриниэти киллэриигэ туһуламмыт бырайыагы талбытын иһитиннэрдэ. Баһылык В.П.Баишев олохтоохтор талбыт бырайыактарын олоххо киллэриигэ туох үлэ барыахтааҕын сиһилии кэпсээтэ.
Ону тэҥэ бу бырайыагы олоххо киллэриигэ нэһилиэнньэ өттүттэн утары үбүлээһин кээмэйин, бырайыагы олоххо киллэриигэ үлэлиир бөлөх састаабын мунньах кыттыылаахтара куоластааһынынан быһаардылар.
Бу курдук нэһилиэкпит олохтоохторо, бары биир киһи курдук, «ППМИ — 2026» чэрчитинэн өрөспүүбүлүкэ бастыҥ бырайыактарын талыыга көхтөөхтүк кыттарга быһаардылар.
Раиса Черкашина.
Дьокуускай куорат силиэстийэлиир отдела 18 саастаах уол өлүүтүнэн холуобунай дьыаланы силиэстийэлиир. Силиэстийэ быһаарбытынан, 2025 сыл…
Куокуй нэһилиэгин дьоно-сэргэтэ олорор сирдэрин сайыннарыыга бастакы күөҥҥэ турар бырайыагы быһаардылар. [gallery ids="253903,253904,253905"] Олохтоох көҕүлээһиннэри…
Күһүн тоҥорбутун кэннэ, хаһаайкалар хаппыыстаны тууһаатылар. Дьиэлээхтэрэ хачыгыраччы сии сылдьар буолуохтаахтар. Тууһаммыт хаппыыста -- ферментацияламмыт,…
Арассыыйаҕа уопсастыбанньыктар, кэргэнниилэр бэйэ-бэйэлэрин онлайн атыылаһалларын хонтуруоллуурга этии киллэрбиттэр. Арассыыйаҕа дьиэ кэргэҥҥэ туһата суох малы-салы…
Улуу Кыайыы 80 сылыгар “Тойук” норуодунай фольклор ансаамбыла тэриллибитэ 45 сыллаах үбүлүөйдээх кэнсиэрэ үөрүүлээхтик ыытылынна.…
“Ыччат уонна оҕо аймах” национальнай бырайыак “Арассыыйа лидердэрэ” алтыс күөн күрэһигэр кыттыыга сайаапканы хомуйуу саҕаланна.…