Күннээҕи гороскоп: сэтинньи 23 күнэ

Бу күн Ый Хахай  бэлиэтиттэн тахсан, Кыыс бэлиэтигэр киирэр. Ол аата, сарсыарда өттүгэр бырааһынньыктыыр, айар-тутар, бэйэни көрдөрөр баҕа баһыйар эбит буоллаҕына, күн ортотуттан саҕалаан, бары бытархайга болҕомтолоох, чөкө, бэрээдэги сөбүлүүр буолуохпут. Бу күн күннээҕи түбүгү, үлэни-хамнаһы ситэрэн-хоторон биэрэргэ, доруобуйаҕа кыһалларга табыгастаах.

Хой

Сарсыарда өттүгэр сынньана түһэн баран, күн ортотуттан дьиэ-уот, үлэ түбүгэр ылларыаххыт. Былааннаммыт үлэни болдьоҕор бүтэрэргэ кыһаллыҥ. Доруобуйаҕытыгар болҕомто уураргытыгар сүбэлииллэр: сөпкө аһааҥ, эрэсиими тутуһуҥ. Урут хаһааммыт кыра үлэлэргитин бүгүн ситэрэн кэбиһэргитигэр табыгастаах кэм.

Оҕус

Сарсыарда өттүгэр чугас дьоҥҥутун кытта ирэ-хоро кэпсэтиҥ, онтон күн ортотуттан айар-тутар эйгэҕэ киириэххит. Сөбүлүүр дьарыккытынан дьарыктаныҥ, оҕолоргутун кытта оонньооҥ. Тапталлааххытыгар болҕомтоҕутун ууруҥ, кинини үөрдэр туох эрэ кыра бэлэҕи оҥоруҥ. Бүгүн дуоһуйууну, үөрүүнү бэлэхтиир күн.

Игирэлэр

Күн бастакы аҥаарыгар доҕотторгутун кытта кэпсэтиэххитин, суруйсуоххутун сөп. Онтон Ый Кыыска киирдэҕинэ, болҕомто дьиэ кэргэҥҥэ, аймахтарга көһүө. Чугас дьоҥҥут эһиги кыһамньыгытыгар наадыйыахтара. Дьиэҕитин-уоккутун хомуйуҥ, аймахтаргытыгар ыалдьыттааҥ эбэтэр кинилэри ыҥырыҥ. Дьиэ кэргэн иллээх буолуута эһиэхэ күүс эбиэ.

Араак

Үп-харчы боппуруоһа бүгүн эмиэ турар. Сарсыарда өттүгэр тугу эрэ атыылаһар санаа киириэн сөп, ол эрээри күн ортотуттан ордук ороскуоту оҥорбот курдук хонтуруолланыҥ. Саҥа информацияны, билиини ыларга, кылгас айаҥҥа, чугас дьону кытта кэпсэтиигэ табыгастаах күн буолуо. Санааҕытын сааһылааҥ, бэрээдэктээҥ.

Хахай

Сарсыарда өттүгэр эһиги өссө даҕаны барытын салайа-дьаһайа сылдьыаххыт, ол эрээри күн ортотуттан болҕомто үпкэ-харчыга көһүө. Барыскытын-ороскуоккутун ааҕынарга, кэлэр нэдиэлэтээҕи бүддьүөккүтүн былаанныырга сөптөөх кэм. Маҕаһыыҥҥа сылдьан туһалааҕы атыылаһыаххытын сөп. Бэйэҕитин сыаналаан көрүөххүт, дьоҕургут көмөтүнэн  хайдах харчы өлөрөр туһунан санаалар киириэхтэрэ.

Кыыс

Күүтүүлээх күн! Ый эһиги бэлиэҕитигэр киирэн, күүс-сэниэ эбиэ. Бэйэҕитигэр болҕомто уурар, тас көрүҥҥүтүн тупсарар кэм. Санаабыккытын олоххо киллэрэр күүс-уох баар буолуо. Ол эрээри, бэйэҕитигэр наһаа кытаанахтык буолумаҥ. Күннээҕи олоххо кыра үөрүүлэр элбэхтэр – ону таба көрө үөрэниҥ.

Ыйааһын

Доҕотторгутун кытта алтыһыыттан сынньалаҥҥа, соҕотохсуйууга көһөр күн. Күн ортотуттан бэйэҕит ис туруккутугар болҕомтото ууруҥ. Ааспыты ырыҥалаан көрөргө, кэлэр нэдиэлэҕэ күүс-уох мунньунарга табыгастаах кэм. Үчүгэй киинэ көрөн, сөбүлүүр муусукаҕытын истэн дуоһуйа сынньаныҥ. Бүгүн ханна да ыксаабакка сылдьар ордук.

Скорпион

Карьера, дьон иннигэр эппиэтинэс туһунан санааларгыт доҕоттордгутун, биир санаалаахтаргытын кытта кэпсэтиинэн солбуллуохтара. Кэлэр кэскил, саҥа былааннар тустарынан дьүүллэһиэххитин сөп. Түмсүүлээх үлэни былаанныырга, инникигэ эрэллээхтик көрөргө үчүгэй күн. Ким эмэ эһиэхэ көмөлөһүөн сөп, сүбэ-ама биэриэхтэрин баҕарааччылар эмиэ бааллар.

Охчут

Саҥаны билиэх-көрүөх баҕаҕыт үлэҕэ-хамнаска, сыалга-сорукка көһөр. Бүгүн тус бэйэҕит ситиһиигит, карьераҕыт туһунан толкуйдуур кэмҥит. Салайааччыгыт иннигэр эбэтэр дьон ортотугар бэйэҕитин үчүгэй өттүттэн көрдөрүөххүтүн сөп. Тугу ситиһиэххитин баҕараргытын чуолкайдык быһаарынан, кэлэр нэдиэлэҕэ былаан оҥостуҥ.

Чубуку

Дириҥ санаалартан, уларыйыы кутталыттан саҥа билиигэ-көрүүгэ тардыһыы уһуктуо. Ыраах айан, үөрэх  туһунан санаалар киириэхтэрэ. Кэскилгитин кэҥэтэр кинигэни ааҕарга, саҥаҕа үөрэнэргэ табыгастаах. Олоххо көрүүгүт кэҥиэ, саҥа идиэйэлэр киириэхтэрэ. Өрөбүл күнү туһалаахтык атаарыҥ.

Күрүлгэн

Бииргэ үлэлээһин, атын дьону кытта сыһыан боппуруостара бүгүн эмиэ көтөҕүллүөхтэрэ. Ол эрээри, ким эрэ көмөтүнэн эбэтэр бииргэ үлэлээн улахан үп-харчы боппуруоһун быһаарыаххытын сөп. Иэс-күүс, кирэдьиит эбэтэр уопсай баай-дуол туһунан кэпсэтии тахсыан сөп. Чугас киһигитин кытта истиҥ сыһыаҥҥыт өссө дириҥиэ.

Балыктар

Күннээҕи түбүктэн, доруобуйаттан болҕомто партнердаргар, чугас дьоҥҥор көһөр. Таптыыр киһигитин, бииргэ үлэлиир дьоҥҥутун кытта сыһыаны бөҕөргөтөргө табыгастаах кэм. Кэпсэтэн, өйдөһөн биир тылы булуоххутун сөп. Ким эмэ эһиэхэ сүбэ-ама биэрдэҕинэ, болҕойон истиҥ.