Үп-харчы гороскоба: Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэ үп-харчы эйгэтигэр ураты күүстээх буолуо. Меркурий санаа уонна эргиэн планетата, Охчут бэлиэтигэр киирэр, ол аата улахан кээмэйдээх санаалар, саҥа бырайыактар саҕаланыахтара, ол эрээри ситэ толкуйдамматах буолуон сөп. Саамай сүрүнэ – ахсынньы 5 күнүгэр буолар Игирэлэр бэлиэлэригэр Толору Ый. Бу кэпсэтиилэри, докумуоннары, үөрэҕи уонна эргиэни түмүктүүр кэм. Кистэнэ сылдьыбыт информация арыллан, үпкэ-харчыга сыһыаннаах дьыалалар чуолкайданыахтара.

 Хой 

Бу нэдиэлэ эһиэхэ киэҥ далааһыннаах санаалары аҕалыа. Ыраахтан үлэлиэххитин, тас дойдулары кытта эргинэр санаа киириэн сөп. Толору Ый кэмигэр улахан кэпсэтиилэр, сөбүлэһиилэр түмүктэниэхтэрэ, эбэтэр урукку бырайыактан харчы киириэ. Ол эрээри, барытын сэттэтэ мээрэйдээн баран быһаарыныыны ылыныҥ. Ороскуоккутун кэтээн көрүҥ, аһара ыраахха былааннанан, баар харчыгытын ыһан кэбиһимэҥ.

Оҕус 

Үп-харчы боппуруоһа инники күөҥҥэ тахсар.Толору Ый эһиги хамнаскытыгар, баайгытыгар-дуолгутугар сыһыаннаах боппуруостары быһаарыа. Саҥа дохуот киирэр суола көстүөн, эбэтэр ороскуоттаах дьыала түмүктэниэн сөп. Нэдиэлэ ортотугар улахан атыыны оҥорорго эбэтэр харчыны уурдарарга сэрэхтээх буолуҥ. Бииргэ үлэлиир дьоҥҥуттан эбэтэр чугас дьоннуттан көмө харчы кэлиэн сөп.

Игирэлэр 

Бу эһиги нэдиэлэҕит! Ахсынньы 5 күнүгэр эһиги бэлиэҕитигэр буолар Толору Ый олоххутугар, тус бэйэҕитигэр уонна үпкүтүгэр-харчыгытыгар улахан дьайыыны оҥоруо. Уруккуттан толкуйдуу сылдьыбыт бырайыаккыт түмүктэниэн, эбэтэр эһиги инники былааннаргытын тосту уларытар сонун кэлиэн сөп. Саҥа үлэҕэ ыҥырыы, дуогабар түһэрсии эбэтэр партнердары кытта үп-харчы боппуруоһун быһаарсыы күүтэр. Тылгытын-өскүтүн кыанан, дьону итэҕэтэр кыаххыт улаатыа.

Араак 

Бу нэдиэлэҕэ үп-харчы боппуруоһа арыый кистэлэҥ хабааннаах буолуо. Иэскитин төлүүргэ, докумуоннары бэрээдэктииргэ табыгастаах. Толору Ый кэмигэр кимтэн эрэ кистэммит информация арыллан, харчыга сыһыаннаах дьыала чуолкайданыан сөп. Интуицияҕытын истэҥҥит, албыннаппакка сөптөөх быһаарыныыны ылыныаххыт.

Хахай

Бу нэдиэлэҕэ кэлэктиипкэ, доҕотторго сыһыаннаах бырайыактартан дохуот киириэн сөп. Толору Ый инники былааннаргытын чуолкайдыа. Хамаанданан үлэ ситиһиилээх буолуо. Ол эрээри, доҕотторгутугар улахан сууманы иэс биэрэртэн туттунуҥ. Саҥа технологияларга, интэриниэт-бырайыактарга үлэлиир буоллаххытына, ситиһии күүтэр. Ороскуоттаргытын үксүн күүлэйгэ-сынньалаҥҥа барыаххытын сөп, онон көрүнүҥ.

 Кыыс 

Карьера уонна үп-харчы ситимнээхтэр. Бу нэдиэлэҕэ үлэҕитигэр ситиһиигит хамнаскытыгар быһаччы дьайыа. Толору Ый карьераҕытыгар, статускутугар сыһыаннаах улахан боппуруоһу быһаарыа. Саҥа дуоһунаска ананыаххытын, эбэтэр улахан бырайыагы түмүктээн, бириэмийэ ылыаххытын сөп. Салайааччылары кытта кэпсэтиигэ бэлэм буолуҥ. Үп-харчы докумуоннарыгар болҕомтолоох буолуҥ.

Ыйааһын

Бу нэдиэлэҕэ киэҥ билииттэн-көрүүттэн, үөрэхтэн, айантан харчы киириэн сөп. Толору Ый үөрэххитин, юридическай дьыалаҕытын эбэтэр тас дойдулары кытта сибээскитин түмүктүөн сөп. Саҥа үөрэххэ төлөөн, кэскилгитигэр улахан кылааты киллэриэххитин сөп. Консультация, юрист өҥөтө эбэтэр учуутал үлэтэ дохуот аҕалыа. Ыраахтан кэлбит сонун үпкүтүгэр-харчыгытыгар сабыдыаллыа.

 Скорпион 

Нэдиэлэ устата улахан үп-харчы, кирэдьиит, иэс, нэһилиэстибэ боппуруостара быһаарыллыахтара. Толору Ый чуолаан бу эйгэҕэ күүстээх уларыйыылары аҕалыа. Баантан кирэдьииккитин бигэргэтиэхтэрин, эбэтэр урукку иэскитин сабарга кыах үөскүөн сөп. Партнергут харчыта эбэтэр уопсай биисинэс дохуота күүтэр. Кутталлаах инвестицияттан туттунар ордук, ол оннугар баар үпкүтүн сааһылааҥ.

Охчут 

Партнерство – бу нэдиэлэ сүрүн тиэмэтэ. Дьыалабыай партнердартан эбэтэр ойоххуттан/эргиттэн үп-харчы тутуоххун сөп. Толору Ый урукку сөбүлэһиини түмүктүө эбэтэр саҥа дуогабары аҕалыа. Өйдөспөт буолуу таҕыстаҕына, барытын аһаҕастык кэпсэтэн быһаарсыҥ. Конкуреннаргыт көхтөөх буолуохтара, ол эрээри эһиги итэҕэтэр күүскүт улахан. Харчыны бииргэ үлэлээһин эрэ аҕалыа.

Чубуку 

Үлэ-хамнас уонна күннээҕи түбүк дохуоту аҕалар. Бу нэдиэлэҕэ төһөнөн кыһаллаҕыт, соччонон хамнастаныаххыт. Толору Ый үлэҕитигэр сыһыаннаах бырайыагы түмүктүүргүтүгэр тирэх буолуо, эбэтэр үлэ миэстэтигэр уларыйыы көстүө. Доруобуйаҕытыгар ороскуотуруоххутун сөп, ол эрээри кэмиттэн кэмигэр сынньанан, үлэҕит таһаарыытын үрдэтиэххит. Күннээҕи кыра ороскуоттаргытын хонтуруоллуургутун умнумаҥ.

Күрүлгэн 

Айар дьоҕургуттан, сөбүлүүр дьарыккытыттан дохуот киирэр кэмэ. Толору Ый эһиги талааҥҥытын дьоҥҥо-сэргэҕэ таһаарыа. Лотереяҕа, күрэстэргэ кыттан боруобаланан көрүөххүтүн сөп, сэрэхтээх эрэ буолуҥ. Оҕолорго сыһыаннаах ороскуоттар тахсыахтарын сөп. Инвестиция, акция боппуруоһугар сүбэ-ама истэргит ордук. Сынньалаҥҥа, күүлэйгэ харчыгытын аһара ыһымаҥ.

Балыктар 

Дьиэ-уот, дьиэ кэргэн боппуруостара үпкэ-харчыга быһаччы сыһыаннаахтар. Толору Ый дьиэни атыылааһын-атыылаһыы, өрөмүөн эбэтэр көһүү боппуруоһун быһаарыа. Аймахтаргыттан үп-харчы өттүгэр көмө кэлиэн сөп. Дьиэҕэ үлэлиир буоллаххытына, дохуоккут үрдүөн сөп. Урукку кэмнэргэ оҥорбут сыыһаларгытын өйдөөбүккүт, үпкүтүн-харчыгытын саҥалыы сааһылыыргытыгар тоҕоостоох кэм.