«Саханефтегазсбыт» пресс-сулууспата.
Муус устар 11 күнүгэр «Саханефтегазсбыт» АУо Орто Халыматааҕы нефтебазатыгар кэлим үөрэтии ыытылынна. Кэлим үөрэтии гражданскай оборуонаҕа ыксаллаах балаһыанньа таҕыстаҕына, бэлэмнээх буолууну бэрэбиэркэлиир, ньиэп бородууктата тохтубут саахалын туоратыыга хайдах дьаһанары бигэргэтэр.
Үөрэтии былаанын быһыытынан, РВС–3000 резервуар алдьанан, 2580 туонна дизельнэй уматык тохтубут. «Саахал» кэмигэр эбийиэккэ атаҕын «эчэппит» киһи баар диэн буолбут.
Үөрэтии кэмигэр суһаллык иһитиннэрэр сирена, дьуһуурунай-диспетчерскэй сулууспа, суһал сулууспалар уонна уматык-энэргиэтикэ эбийиэктэригэр куттала суох буолуу боппуруостарынан дьарыктанар министиэристибэлэр, биэдэмистибэлэр үлэлэрин бэрэбиэркэлээтилэр.
Ыксаллаах быһыы-майга хамыыһыйатын суһал мунньаҕа ыытылынна. Миэстэтигэр суһал ыстаап тэриллэ охсон, ньиэп бородууктата «тохтубут» сирин чинчийии, бүөлээһин, хомуйуу үлэтэ ыытылынна. «Эчэйбит» киһини эбийиэктэн таһаардылар, бастакы көмөнү оҥордулар.
Онтон бу ыытыллыбыт үлэни ЫБММ сүрүн управлениета тэрийбит, биэдэмистибэлэр икки ардыларынааҕы хамыыһыйа бэрэбиэркэлээтэ. Хамыыһыйа үлэни сөптөөҕүнэн сыаналаата.
Онон «Саханефтегазсбыт» АУо Орто Халыматааҕы ньиэп базата саахал тахсар түгэнигэр, сөптөөх дьаһалы ылан, суһаллык туоратарга бэлэмнээҕинэн билинилиннэ. Маннык үөрэтиилэр «Саханефтегазсбыт» бары филиалларыгар былаан быһыытынан ыытыллаллар.
Табаһыттар олохторугар айан диэн олус түбүктээх, ыарахан буоларын истэн билэбит. Ол курдук, Дьааҥы улууһун “Хара…
Сандал саас күлүмнээн кэлбит, күммүт уһаабыт үөрүүтүгэр муус устар 12 күнүгэр Мукучу нэһилиэгэр "Дайан" норуот…
Арассыыйа олохтоохторо физкултууранан дьарыктаныыларын хааччыйыыга кыһалҕалар баалларын туһунан Норуот пуруона РФ Бэрэсидьиэнигэр иһитиннэрдэ. Норуот пуруонун исполкомун…
Дьокуускайга сэттэ устудьуонтан ноутбуктары уорбут эдэр киһи сууттаныаҕа диэн СӨ Борокуратуурата иһитиннэрэр. Борокуратуура иһитиннэриитигэр сурулларынан,…
“Саха сирэ – дьоруойдар дойдулара” (“Якутия – Земля героев”) каадыр бырагырааматын федеральнай СМИ-лэр олус биһирээтилэр.…
Трамп чугас киһитэ Уиткофф сырыытын туһунан Чокуур Гаврильев кэпсиир: