«Саханефтегазсбыт» пресс-сулууспата.
Муус устар 11 күнүгэр «Саханефтегазсбыт» АУо Орто Халыматааҕы нефтебазатыгар кэлим үөрэтии ыытылынна. Кэлим үөрэтии гражданскай оборуонаҕа ыксаллаах балаһыанньа таҕыстаҕына, бэлэмнээх буолууну бэрэбиэркэлиир, ньиэп бородууктата тохтубут саахалын туоратыыга хайдах дьаһанары бигэргэтэр.
Үөрэтии былаанын быһыытынан, РВС–3000 резервуар алдьанан, 2580 туонна дизельнэй уматык тохтубут. «Саахал» кэмигэр эбийиэккэ атаҕын «эчэппит» киһи баар диэн буолбут.
Үөрэтии кэмигэр суһаллык иһитиннэрэр сирена, дьуһуурунай-диспетчерскэй сулууспа, суһал сулууспалар уонна уматык-энэргиэтикэ эбийиэктэригэр куттала суох буолуу боппуруостарынан дьарыктанар министиэристибэлэр, биэдэмистибэлэр үлэлэрин бэрэбиэркэлээтилэр.
Ыксаллаах быһыы-майга хамыыһыйатын суһал мунньаҕа ыытылынна. Миэстэтигэр суһал ыстаап тэриллэ охсон, ньиэп бородууктата «тохтубут» сирин чинчийии, бүөлээһин, хомуйуу үлэтэ ыытылынна. «Эчэйбит» киһини эбийиэктэн таһаардылар, бастакы көмөнү оҥордулар.
Онтон бу ыытыллыбыт үлэни ЫБММ сүрүн управлениета тэрийбит, биэдэмистибэлэр икки ардыларынааҕы хамыыһыйа бэрэбиэркэлээтэ. Хамыыһыйа үлэни сөптөөҕүнэн сыаналаата.
Онон «Саханефтегазсбыт» АУо Орто Халыматааҕы ньиэп базата саахал тахсар түгэнигэр, сөптөөх дьаһалы ылан, суһаллык туоратарга бэлэмнээҕинэн билинилиннэ. Маннык үөрэтиилэр «Саханефтегазсбыт» бары филиалларыгар былаан быһыытынан ыытыллаллар.
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…