Хаартыска: SakhaGov
Саха сиринээҕи «Аҕа дойдуну көмүскээччилэр» пуонда бэтэрээннэри адаптивнай таҥаһынан хааччыйар Паллиативнай статустаах, ампутациялаах, кресло-колясканан сылдьар, тайанар-хамсанар аппарааттара ыараханнык кэһиллибит байыаннай дьайыы инбэлиит-буойуннара адаптивнай таҥаһынан хааччыллаллар. Бу туһунан «Аҕа дойдуну көмүскээччилэр» судаарыстыбаннай пуонда СӨ филиалын салайааччытын солбуйааччыта Лилия Голикова брифинг кэмигэр иһитиннэрдэ.
«Биһиги өттүбүтүттэн адаптивнай таҥаһынан хааччыйарга 62 сайаапка ыытыллыбыта. Онтон 43 сайаапка эспиэрдэр сэбиэттэригэр бигэргэннэ. Ампутациялаах 10 инбэлииккэ адаптивнай таҥас комплектара бэрилиннилэр», — диэн Лилия Голикова эттэ.
Судаарыстыбаннай пуонда филиалыгар 262 инбэлиит учуокка турар. Лилия Голикова иһитиннэрбитинэн, байыаннай дьайыы бэтэрээннэрин федеральнай тиһиккэ киирбэт реабилитациялыыр тэхиниичэскэй сириэстибэлэринэн (ТСР) хааччыйыыга үлэ ыытыллар. Бу — көхтөөх олоҕу батыһар уонна успуордунан дьарыктаныан баҕалаах дьоҥҥо аналлаах успуорка протезтэр уонна кресло-коляскалар. ТСР-ынан 21 инбэлиит хааччыллыахтаах. Онтон 14-дэ байыаннай дьайыы кыттыылааҕа ТСР-ы тутта: 3 инбэлиит-байыаннай сулууспалаах үчүгэйдик барар электрическэй кресло-коляскаларынан хааччылынна, байыаннай дьайыы кыттыылааҕа 10 инбэлиит успуордунан дьарыктанар протезтары ылла, биир киһиэхэ «өйдөөх торуоска» бэрилиннэ. Инбэлиит буолбут 27 байыаннай дьайыылар бэтэрээннэригэр олорор дьиэлэрин усулуобуйаҕа сөп түбэһиннэрэргэ көмө оҥоһуллар. 17 бэтэрээн дьиэтин адаптациялыыр сайаапкалара бигэргэммит. Онтон 14 киһиэхэ бу үлэлэр номнуо түмүктэннилэр. Байыаннай дьайыы үс кыттыылааҕын олорор дьиэлэригэр тэриллэри тиэрдиигэ уонна туруорууга үлэ бара турар. Филиал боломуочуйатын чэрчитинэн «Ортомед +» протезтыыр киини кытта үлэлиир. Өскөтүн Социальнай пуондаттан бэриллибит электроннай сэртипикээт сыаната протез дьиҥнээх сыанатыттан намыһах буоллаҕына, эбии төлөбүр оҥоһуллар. 2024 сылтан икки атаҕа суох инбэлиит-бэтэрээннэргэ уонна кресло-колясканан сылдьар инбэлииттэргэ илиинэн салайыллар массыыналар бэриллэллэр. Ахсынньы 1 күнүнээҕи туругунан, судаарыстыбаннай пуонда 4 массыынаны туттарбыт, икки атаҕа суох 2 инбэлиит автооскуолаҕа үөрэнэ сылдьар. Үөрэхтэрин бүтэрэн, суоппардыыр бырааптарын ылбыттарын кэннэ, кинилэртэн массыынанан хааччыйарга сайаапка ылыллыа. Сиһилии бу сигэнэн аах: https://www.sakha.gov.ru/news/16368*
Ленскэй оройуонун борокуратуурата былырыын сайын Ленскэй куорат түөлбэтин биирдэстэригэр баар оҕо оонньуур былаһааккатыгар оҕо эчэйбит…
Дьокуускайга Өймөкөөн улууһа тэриллибитэ 105 сылыгар анаммыт «Саахал кэннэ чөлүгэр түһэрэр үлэлэр — 2025 түмүктэрэ»…
2025 сыл бүтэрэ чугаһаата. Куорат уонна улуустар олохтоохторо дьиэ-уот, хапытаалынай өрөмүөн усунуоһун төлөөн, саҥа сылы…
Арассыыйаҕа эһиилгиттэн хамнас алын кээмэйэ (МРОТ) 20,7% үрдээн, 27 093 солкуобайга тэҥнэһиэҕэ. Саха сиригэр өрөспүүбүлүкэ…
ИДьМ Ленскэй оройуонун салаатын дьуһуурунай чааһыгар араас эчэйиини ылбыт эр киһини балыыһаҕа укпуттарын туһунан иһитиннэрии…
«HITS Production» устубут «КСБ: Как стать боссом» диэн сахалыы кэмиэдьийэтэ премьераттан бастакы өрөбүллэригэр 10 086 770…