Күннээҕи гороскоп: ахсынньы 7 күнэ

Бу күн Ый Охчут бэлиэтиттэн тахсан, Чубуку бэлиэтигэр киирэр. Ол аата, сарсыарда өттүгэр өссө да чэпчэки, көтө-дайа сылдьар эйгэ баар буоллаҕына, күн ортотун диэки бары сыал-сорук туруорунар, дьыалабыай, хонтуруоллуур санааҕа киириэхпит. Өрөбүл да буоллар, кэлэр нэдиэлэҕэ бэлэмнэниигэ тоҕоостоох кэм.

Хой 

Бүгүн эн сүрдээх боччумнаах буолуоҥ. Өрөбүлгэ көҥүл-босхо санааҥ уларыйан, дьыалабыай эйгэҕэ киириэҥ. Үлэҕэр-хамнаскар сыһыаннаах саҥа идиэйэлэр киириэхтэрин сөп. Салайааччыларыҥ эбэтэр аҕа саастаах дьон сүбэлэрэ туһалыа. Кэлэр нэдиэлэ былаанын оҥосторуҥ ордук. Киэһэни дьиэ кэргэниҥ ортотугар сынньалаҥнык атаарарга кыһан.

Оҕус 

Саҥа билиигэ-көрүүгэ тардыһыыҥ күүһүрэр күнэ. Ыраахтан кэлбит сонуннар, атын култууралар, айан-сырыы туһунан санаалар сэргэхситиэхтэрэ. Үөрэххэ сыһыаннаах боппуруостар ситиһиилээх буолуохтара. Бэйэҥ итэҕэлгин, олоххо көрүүгүн тутуһаргар күүс киириэ. Ол эрээри, кимиэхэ да бэйэҥ санааҕын соҥноомо.

Игирэлэр 

Сэрэхтээх, болҕомтолоох буолууну эрэйэр күн. Чугас киһигин кытта үп-харчы боппуруоһугар биир тылы булуоххут. Күүппэтэх өттүгүттэн ороскуот тахсыан эбэтэр атын киһи кистэлэҥэ арыллыан сөп. Иэйиигэ наһаа ылларыма, оруна суохха күнүүлээмэ. Бүгүн дириҥ психологическай ырытыыга, бэйэни сайыннарыыга үчүгэй күн.

Араак

Тапталлааххын, доҕоргун кытта кэпсэтиигэ болҕомтоҕун уураргар сулустар сүбэлииллэр. Өйдөспөт буолуу таҕыстаҕына, бэйэҥ эрэ сөпкө толкуйдуур, оҥорор курдук сананыма, иккиэн ортотунан быыһараргыт ордук буолуо. Ким эмэ эйигин кытта сөбүлэһии түһэрсиэн баҕарыа. Аһаҕас буол, ол эрээри интэриэскин умнума.

Хахай 

Күннээҕи түбүк, үлэ-хамнас уонна доруобуйа инники күөҥҥэ тахсар. Дьиэҕэ-уокка ситэрбэтэх үлэни бүтэрэргэ, ыраастаныыны оҥорорго тоҕоостоох кэм. Доруобуйаҕар болҕомтото уур – сөпкө аһаа, хамсан. Сөбүлээбэт да үлэҕэр бүгүн эппиэтинэстээхтик сыһыаннас. Дьиэ кыыллара эн болҕомтоҕор наадыйыахтара.

Кыыс 

Айар-тутар кутуҥ, оонньуур-көрүлүүр санааҥ күүһүрэр. Таптыыр дьарыккар бириэмэтэ анаа, сынньан. Тапталлааххын кытта ураты истиҥ киэһэни тэрий эбэтэр оҕолоргун кытта оонньоо. Сүүйүүлээх оонньууга кыттан боруобаланан көрүөххүн сөп, ол эрээри наһаа үлүһүйүмэ. Сэргэх санааҥ тулалыыр дьоҥҥор эмиэ бэриллиэ.

Ыйааһын 

Өрөбүл дьиэҕэ-уокка, чугас дьоҥҥо ананар. Дьиэни хомуйуу, киэргэтии санааҕын көтөҕүө. Төрөппүттэргин кытта кэпсэт, кинилэр олохторун интэриэһиргээ. Уруккуну ахтыы-санааһын киирэн ааһыан сөп. Эмоциональнай өттүнэн сынньанаргар, күүс мунньунаргар табыгастаах күн. Минньигэс астаах дьиэтээҕи аһылыктан ордук туох да кэрэ суох.

Скорпион 

Кэпсэтии, суруйсуу, саҥаны, сонуну билии күнэ. Аймахтаргын, чугас доҕотторгун кытта сибээскин бөҕөргөт. Кылгас айаҥҥа барар былааннаах буоллаххына, ситиһиилээх буолуо. Саҥа информация элбэх буолуон сөп, ол иһигэр сурах да баар буолуо, онон барытын ырыҥалаан көр. Үөрэххэ сыһыаннаах дьыалаҕын чопчулаа.

Охчут 

Бүгүн бэйэҕин сыаналаныыҥ уонна үп-харчы боппуруостара сүрүн миэстэни ылыахтара. Баҕар, ороскуотуҥ элбиэн сөп, онон бүддьүөккүн хонтуруоллаа. «Бу миэхэ наадалаах дуо?» диэн бэйэҕэр боппуруоста биэр. Талааҥҥын туһанан, эбии дохуот киллэринэр туһунан толкуйдаа. Бэлэх оҥороргор эбэтэр бэйэҕэр тугу эмэ атыылаһаргар үчүгэй күн.

Чубуку 

Эн күнүн! Ый эн бэлиэҕэр киирэн, күүс-уох эбэр. Саҥа нэдиэлэҕэ бэлэмнэн, былааннаргын оҥоһун. Бэйэҕин көрүнэргэ, тас көрүҥҥүн тупсарарга табыгастаах. Эн санааҥ бүгүн атыттарга улахан сабыдыаллаах буолуо. Барытын бэйэҥ хонтуруолгар ыла сатыыгын, бу ситиһиигэ тиэрдиэ.

Күрүлгэн 

Иһийэ түһэн, күүскүн сөргүтэр, сынньанар кэмҥит. Соҕотох сылдьан толкуйдуургун, айаргын ордоруоҥ. Түүлгүнэн эбэтэр иэйиигинэн туох эрэ сүбэ кэлиэн сөп. Кимтэн эрэ кистэммит боппуруос арыллыа, туох эрэ умнуллубуту өйдөөн кэлиэҥ. Үтүөнү оҥорууттан, көмөлөһүүттэн дуоһуйууну ылыаҥ. Медитация, йога курдук дьарыктар туһалыахтара.

Балыктар

Инникигэ эрэллээхтик көрөр, былааннары оҥостор күнүҥ. Доҕотторгун кытта көрсөн, кэлэр кэскилгитин ырытыһыҥ. Түмсүүлээх үлэ, онлайн-бырайыак ситиһиилээх буолуо. Саҥа доҕордонуоххун эбэтэр биир санаалаахтаргын булуоххун сөп. Эн баҕа санааларыҥ тулалыыр дьонуҥ өйөбүлүн ылыахтара.