2,6 млрд солк. иэстээх урбаанньыт тиэхиньикэтин былдьаатылар

Суут бириистэптэрин Алданнааҕы отделениетыгар Иркутскай уобаластааҕы кэллиэгэлэриттэн баайы-дуолу былдьыырга сорудах кэлбит. Бу Саха сиригэр баар, ол эрээри Иркутскайтан сылдьар 54 саастаах урбаанньыт баайа-дуола буолар. 

УФССП пресс-сулууспата иһитиннэрэринэн, бүгүҥҥү күҥҥэ бу киһи 79 тырааныспарыттан сорудахха ыйыллыбыт 29-һун былдьаабыттар: легковой массыыналары, таһаҕас тиэйэр массыыналары, бирисиэптэри, спецтиэхиньикэлэри. Информационнай систиэмэ сибиэдэнньэлэринэн, урбаанньыт 2,6 млрд солк. нолуокка иэстээх эбит.