Хаартыска: sakha.gov.ru
Арассыыйа социальнай пуондатын (АСП) Саха сиринээҕи салаата сыл саҕаланыаҕыттан эрэгийиэн олохтоохторугар 580 мөлүйүөнтэн тахса солкуобайдаах тиэхиньиичэскэй реабилитациялыыр тэриллэри (ТРТ) атыылаһарга 26 тыһыынчаттан тахса сэртипикээти туттарда.
Бу туһунан АСП Саха сиринээҕи салаатын управляющайын солбуйааччы Вадим Максимов иһитиннэрбитин Ил Дархан, бырабыыталыстыба пресс-сулууспата тиэрдэр.
«Электроннай сэртипикээтинэн истэр аппарааттары, протезтары, ортезтары, кириэһилэ-кэлээскэлэри, ортопедическай атаҕын таҥаһын, сытар дьоҥҥо аналлаах ис таҥастары уонна торуоскалары атыылаһар табыгастаах. Электроннай сэртипикээти ылар туһугар, электроннай сэртипикээти кытта сибээстээх МИР каарталаах уонна реабилитация уонна абилитация индивидуальнай бырагырааматынан TРТ анаммыт буолуохтаах», — диэтэ Вадим Максимов.
Өскөтө индивидуальнай бырагыраамаҕа реабилитация хас да тиэхиньиичэскэй сириэстибэтэ ыйыллыбыт буоллаҕына, электроннай сэртипикээттэр хас биирдиилэригэр оҥоһуллаллар. Ону кытта сэртипикээттэр бары биир банковскай каартаҕа сыһыарыллыахтарын сөп. Маннык сэртипикээти оҥорторуу болдьоҕо 10 күн, биир сылы быһа үлэлиир.
Вадим Максимов быһаарбытынан, сэртипикээт сыаната атыыласпыт оҥоһугуҥ сыанатыттан улахан буоллаҕына, араастаһыыны каартаҕа төнүннэрэр эбэтэр кумааҕы харчыга кубулутар кыаллыбат. Оттон электроннай сэртипикээт сыаната кыра буоллаҕына, хаалбытын бэйэҥ харчыгынан төлүөххүн сөп.
«Электроннай сэртипикээти туһанан тиэхиньиичэскэй реабилитация тэрилин маннык төлөбүрүнэн туттар хайа баҕарар атыыһыттан атыылаһыаххын сөп. Сэртипикээтинэн төлөһүү маркетплейстарга, оффлайн маҕаһыыннарга, атыы-эргиэн уонна өҥөнү оҥорор сирдэргэ баар», — диэн кини эбэн эттэ.
2025 сылтан саҕалаан, ТРТ-ны натуральнай көрүҥүнэн эбэтэр электроннай сэртипикээт быһыытынан атыылаһыахха сөп. Инбэлиит дьону маннык тэриллэринэн хааччыйаары, АСП Саха сиринээҕи салаата маллары судаарыстыбаннай хантараагынан атыылаһар. Тиэхиньиичэскэй реабилитация тэриллэригэр судаарыстыбаннай хантараак баарыттан тутулуктанан, ыытыы болдьоҕо уларыйыан сөп. Хантараак түһэрсиллибит буоллаҕына, сайабылыанньа көрүллүөҕэ уонна 15 күн иһигэр эбэтэр паллиативнай ыарыһахтарга 7 күн иһигэр направление бэриллиэҕэ.
Эбии чуолкайдаһар буоллаххытына, АСП Саха сиринээҕи салаатын контакт-киинигэр ыйытан билсиэххитин сөп: 8-800-100-00-01 (босхо).
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…