Күннээҕи гороскоп: ахсынньы 13 күнэ

Бүгүн Субуота – Сатурн планета салайар күнэ. Ыксалга эбэтэр чаҕылхай көрсүһүүлэргэ анамматах күн. Сатурн биһигиттэн эппиэтинэһи, тулуурдаах буолууну уонна олохпутун сааһылыырбытын ирдиир. Бүгүн Хахай бэлиэтигэр сылдьар Ый күүһүнэн айар иэйии, сүрэх сылааһа эбиллэр. Ол аата, көннөрү үлэ күнэ буолбатах, олоххо дириҥ суолталаах, бэйэҕэ туһалаах дьыалаларынан дьарыктанар кэрэ кэм. Ис санааҕытын сааһылааҥ уонна кэскиллээх былааннары оҥоруҥ.

Хой

Бүгүн энэргийэҥ оргуйар, ол эрээри ыксыыр сыыһа. Сулустар сүбэлииллэр — күүскүн биир улахан, тус сыалга туһаай. Урут саҕалаабыт, ситэри бүтэрбэтэх дьыалаҕын тиһигэр тиэрт. Киэһэ холкутук сынньанан, күүскүн сөргүт.

Оҕус

Бүгүн үбү-харчыны былаанныырга, дьиэ кэргэн бүддьүөтүн ырытарга табыгастаах күн. Сатурн эйигиттэн кэмчилээһини ирдиир, ол эрээри Ый сүбэтинэн, чугас дьоҥҥун эбэтэр бэйэҕин кыратык атаахтатаргын көҥүллээ. Сүрүнэ – ороскуоту ааҕына-суоттана сырыт

Игирэлэр

Элбэх саҥа-иҥэ, сонун кэпсээн иһиллэрэ күүтүллэр. Ол эрээри, сулустар сэрэтэллэр — барытын итэҕэйэ охсума. Бүгүн дириҥ ис хоһоонноох кэпсэтиигэ болҕомтоҕун уур. Биир эрэллээх доҕоргун кытта аһаҕастык кэпсэттэххинэ, элбэххэ хоруйу булуоҥ.

Араак

Дьиэ-уот түбүгэ эйигин күүтэр. Генеральнай уборканы саҕалыырга, эргэ малтан-салтан ыраастанарга тоҕоостоох кэм. Бу дьайыы дьиэҕин эрэ ыраастыа суоҕа, ис туруккун кытта чэпчэтиэ. Дьиэ кэргэҥҥин кытта бииргэ үлэлээтэххинэ, сыһыаҥҥыт өссө бөҕөргүө.

Хахай

Бүгүн Ый эн бэлиэҕэр киирбит, онон күүс-уох бөҕө эбиллэр. Дьон болҕомтотун тардарын күүһүрэр. Ол эрээри киэптээмэ, күүскүн айар үлэҕэ, дьоҥҥо көмөлөһөргө туһаай. Лидердии хаачыстыбаҕын көрдөрөр кэмиҥ кэллэ.

Кыыс

Сатурн күүһэ бэрээдэги сөбүлүүр майгыгар сөп түбэһэр. Бүгүн ханнык баҕарар докумуону, былааны сааһылыырга бэртээхэй күн. Кыра-кыралаан сыыһаҕын-халтыгын көннөр. Үлэҕэр саҥа, туһалаах ньыманы булуоҥ.

Ыйааһын

Сыһыаннарга болҕомто ууруллар күнэ. Доҕоргун, тапталлааххын кытта кэскиллээх былааннары ырыт. Бүгүн этиллибит тыл улахан суолталаах буолуо. Соҕотох сылдьар буоллаххына, саҥа билсиһиигэ аһаҕас буол, ол эрээри киһи ис санаатын таба көрө сатаа.

Скорпион

Карьераҕар эбэтэр үлэҕэр ситиһии күүтэр. Эн тулуурдаах үлэҥ түмүгүн салайааччыларыҥ көрүөхтэрэ. Ол эрээри аһара инники күөҥҥэ тахса сатаама. Симик соҕус буолуу бүгүн ордук. Кистэлэҥ санаалартан, кэпсээннэртэн туора сырыт.

Охчут

Бүгүн саҥаны билиэх-көрүөх баҕаҥ күүһүрэр. Саҥа кинигэни аах, интэриэһинэй биэриини көр, үөрэххэ сыһыаннаах былааннары оҥоһун. Айанныыр санаалаах буоллаххына, маршруккун, докумуоннаргын бэрэбиэркэлээ. Ыраахтан кэтэһиилээх сонун кэлиэн сөп.

Чубуку

Сатурн – эн планетаҥ, онон бүгүн эн күүстээх кэмиҥ. Тугу барытын хонтуруоллуур кыахтааххын. Уһун болдьохтоох сыаллары туруорунуоҥ, олоххор туох эрэ уларыйыыны киллэрэртэн толлума. Чугас дьонуҥ эн сүбэҕэр наадыйаллар.

Күрүлгэн

Бүгүн доҕотторгун кытта алтыһарга, уопсай интэриэстээх дьону кытта кэпсэтэргэ табыгастаах. Саҥа идиэйэлэр, ураты бырайыактар төрдүгэр баар буолуоххун сөп. Ол эрээри фантазияҕар аһара ылларыма, былааннарыҥ олоххо киирэр кыахтаахтарын сыаналаа.

Балыктар

Ис туруккар, доруобуйаҕар болҕомто уурар кэм. Бүгүн этинэн-сиининэн сынньанар, сөптөөх аһылыгы тутуһар, чуумпуга сылдьар ордук. Айар иэйииҥ киирдэҕинэ, ону кумааҕыга сурунан кэбис – кэлин ол улахан бырайыакка кубулуйуон сөп.