Күннээҕи гороскоп: ахсынньы 20 күнэ

Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун болдьохтоох уонна эрэбиллээх буолар. Ый Скорпион бэлиэтигэр киирэн, ис туругу, кистэлэҥ санааны уһугуннарар. Интуиция күүһүрэр, онон ис сүрэххит этэрин истэргит ордук.

Хой

Бүгүн эһиги энергияҕыт ис туруккутугар туһаайыллыа. Атын дьон үбүн-харчытын, кистэлэҥнэрин эбэтэр уустук сыһыаннары быһаарсарга сөптөөх кэм. Өр кэмҥэ эрэйдиир боппуруоска кырдьык арыллыан сөп. Дьонтон тугу да кистии сатаамаҥ, кырдьыгынан салайтарыҥ. Киэһэ чуумпуга сылдьан санааларгытын сааһыланыҥ.

Оҕус

Сыһыаннарга болҕомто ууруллар күнэ. Партнергутун, доҕоргутун эбэтэр дьыалабыай аргыскытын кытта кэпсэтиигэ кырдьык суолтата улаатар. Саҥа сөбүлэһии эбэтэр быһаарсыы тахсыан сөп. Атын киһи санаатын болҕойон истиҥ, оччоҕо эрэ табыллыы кэлиэ. Соҕотох оҕустарга интэриэһинэй билсиһии сабаҕаланар.

Игирэлэр

Бүгүн күннээҕи түбүккэ уонна доруобуйаҕа болҕомто ууруоххут. Күннээҕи үлэҕитин сааһылааҥ, наадалаах докумуоннары бэрээдэктээҥ. Өр кэмҥэ умна сылдьыбыт дьыалаҕытын бүгүн ситэрэр ордук. Доруобуйаҕытын көрүнүҥ: сөпкө аһааҥ, сынньалаҥы умнумаҥ. Кыра да буоллар, эти-сиини эрчийэр туһалаах.

Араак

Айар талаан арыллар күнэ. Ис дууһаҕыт тугу этэрин истэн, айар үлэнэн дьарыктаныҥ. Тапталга күүстээх иэйии күүтэр. Чугас киһигитин кытта аһаҕас кэпсэтии сыһыаны саҥа таһымҥа таһаарыа. Оҕолоргутугар болҕомтоҕутун ууруҥ, кинилэргэ эһиги өйөбүлгүт наада.

Хахай

Дьиэ кэргэҥҥэ, дьиэҕэ-уокка сыһыаннаах боппуруостар инники күөҥҥэ тахсаллар. Төрөппүттэргитин, аймахтаргытын кытта кэпсэтиэххитин, урукку кыһалҕаны быһаарсыаххытын сөп. Дьиэни хомуйарга, эргэ малтан босхолонорго табыгастаах кэм. Чугас дьоҥҥут сүбэтин истиҥ, кинилэр көмөлөрө туһалыа.

Кыыс

Информация, кэпсэтии, үөрэх күнэ. Бүгүн эппит тылгыт ураты күүстээх буолуо, онон тугу саҥараргытын толкуйдааҥ. Сурук-бичик үлэтинэн дьарыктанарга, саҥа кинигэни ааҕарга табыгастаах. Чугас сылдьар дьоҥҥуттан эбэтэр докумуонтан туһалаах сонуну истэргит сабаҕаланар. Айаҥҥа сылдьар буоллаххытына, сэрэхтээх буолуҥ.

Ыйааһын

Үп-харчы боппуруоһа бастакы миэстэҕэ тахсар. Бүгүн ороскуоккутун-дохуоккутун ааҕынарга, былаанныырга сөптөөх күн. Улахан атыыны оҥорортон туттунуҥ, толкуйдаабакка харчы ыһымаҥ. Баҕар, эбии дохуот киллэрэр туһунан санаа киириэ. Бэйэҕитигэр эрэллээх буолуугут үп-харчы туругар дьайыа.

Скорпион

Бүгүн эһиги күүстээххит, ким да эһигини тохтоппот. Ый эһиги бэлиэҕитигэр киирэн, интуицияҕытын сытыылата, харизмаҕытын күүһүртэ. Дьон эһиэхэ тардыһыа, сүбэҕитин истиэ. Бу күнү бэйэҕит сайдыыгытыгар туһаныҥ. Ол эрээри, күүскүтүн атын дьону баттыырга буолбакка, үтүөнү оҥорорго туһаайыҥ.

Охчут

Соҕотохсуйуу, сынньалаҥ уонна санааны сааһыланыы күнэ. Бүгүн айдааннаах сиртэн тэйиччи сылдьарыҥ ордук. Ис туруккутун иһиллээҥ, туох эрэйдиирин, туохха дьулуһаргытын өйдөөҥ. Урукку алҕастаргытын ырытан, түмүк оҥостуҥ. Түүлгэ болҕомтоҕутун ууруҥ, онно сөптөөх этии киириэн сөп.

Чубуку

Инники былааннары оҥосторго, доҕоттору-атастары кытта кэпсэтэргэ табыгастаах күн. Биир санаалаахтаргытын кытта саҥа бырайыагы саҕалыаххытын сөп. Доҕоргуттан кэлбит сүбэ олус туһалаах буолуо. Уопсастыбаннай үлэҕэ кыттыы, тэрилтэ иһигэр кэпсэтии ситиһиилээхтик ааһыа.

Күрүлгэн

Карьераҕа, үлэҕэ-хамнаска сыһыаннаах боппуруостар быһаарыллаллар. Салайааччылар эһиги үлэҕитин көрө-истэ сылдьаллар, онон барытыгар эппиэтинэстээх буолуҥ. Улахан сыалы ситиһэргэ бүгүҥҥү түбүк күүс-көмө буолуо. Статускутун үрдэтинэр, саҥа дуоһунаска көһөр туһунан санаа үөскүөн сөп.

Балыктар

Кэскилгитин көрүнүү, били-көрүү күнэ. Атын култууралары, итэҕэллэри үөрэтэргэ, уһун айаны былаанныырга үчүгэй кэм. Үрдүк үөрэххэ сыһыаннаах дьыалалар ситиһиилэниэхтэрэ. Саҥа кинигэ, киинэ эбэтэр кэпсэтии олоххо көрүүгүтүн уларытыан сөп. Үтүө санаанан салайтарыҥ, оччоҕо суолгут арыллыа.