Хаартыска: www.sakha.gov.ru
Саха сиригэр өрөспүүбүлүкэ баһылыгын ыйааҕынан уонна атын нуорма аакталарыгар олоҕуран, байыаннай сулууспалаахтар – байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмө үлэтэ салҕанар.
“Билиҥҥитэ өрөспүүбүлүкэҕэ 93 ыал олорор дьиэтин гаастааһыҥҥа харчынан көмөнү ылла. Байыаннай сулууспалаах 264 төрөппүтэ санаторнай-курортнай эмтэниини ааста. Ону тэҥэ, байыаннай эпэрээссийэ кыттааччытын дьиэ кэргэнин 247 чилиэнэ байыаннай сулууспалаах эмтэнэр миэстэтигэр тиийэр кыахтанна”, — диэн кулун тутар 25 күнүнээҕи брифиҥҥэ СӨ Бырабыыталыстыбатын бэрэссэдээтэлин солбуйааччы Георгий Степанов иһитиннэрдэ.
Күн бүгүн 1500 кэриҥэ байыаннай дьайыы кыттыылааҕа уонна кини дьиэ кэргэнэ доруобуйа харыстабылын итиэннэ социальнай хааччыйыы тэрилтэтигэр доруобуйатын чөлүгэр түһэриини ааста, 173 киһи дьиэҕэ уонна стационарнай аҥаардаах көрүҥ социальнай өҥөтүн туһанна.
Георгий Степанов байыаннай сулууспалаах өрөспүүбүлүкэҕэ олорор төрөппүттэрэ, Саха сиригэр уонна Москваҕа “Бэс Чагда” санаторийга үс сылга биирдэ 14 хонуктан уһуна суох санаторнай-курортнай эмтэниини ааһыахтарын сөбүн санатан эттэ. Санаторнай-курортнай эмтэнии төлөммүтүн кэннэ (фактически) эмтэнии путевкатын сууматыттан 60 тыһ. солк. ордуга суох суумалаах харчынан төлөбүр эбэтэр өрөспүүбүлүкэҕэ санаторнай эмтэнии путевкатын сууматыттан 80% кээмэйдээх быстах төлөбүр (аванс) быһыытынан харчынан толуйуллар.
Тустаах көмөнү туһанар туһугар МФЦ тиийэр эбэтэр e-yakutia.ru судаарыстыбаннай өҥө порталын нөҥүө сайаапка ыытар ирдэнэр.
Ил Дархан уонна Бырабыыталыстыба пресс-сулууспата.
Ааспыт сууккаҕа Саха сиригэр 5 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Саха сиригэр национальнай бырайыактары олоххо киллэриитин алта сыл иһигэр 170 эбийиэк тутулунна: 44 оскуола, 24…
Хаҥалас оройуонугар ДПС инспектордара трассаҕа умуллубут массыыналаах суоппар кыыска көмө оҥордулар. Томороон тымныыларга массыына айаннаан…
Саҥа сылга үктэнээт, киин куоракка култуура кииннэригэр, тыйаатырдарыгар араас ис хоһоонноох дьон сынньалаҥар туһуламмыт тэрээһиннэр…
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыыр олохтооҕун наҕараадалыахтара диэн…
Эдьигээн оройуонугар аварийнай-чөлүгэр түһэрэр үлэни ыытыыга Ил Дархан Айсен Николаев ахсынньы 5 күнүгэр киэһэ ыксаллаах…