Нэдиэлэтээҕи гороскоп: тохсунньу 2- тохсунньу 9 күннэрэ

Саҥа сыл бастакы нэдиэлэтигэр сулустар чугас дьоҥҥутугар болҕомтолоох буоларгытыгар сүбэлииллэр. 

Хой

Саҥа сылы саҥа бырайыактарынан саҕалыыр ордук. Ол эрээри, ыксаамаҥ, барытын ымпыктаан-чымпыктаан толкуйдааҥ. Кими эрэ кытта тыл-тылга киирсибэт түгэҥҥит үөскүөн сөп, дьиэ кэргэҥҥитигэр болҕомтоҕутун уураргытын умнумаҥ.

Оҕус

Нэдиэлэ үп-харчы боппуруостарыгар болҕомтону эрэйиэҕэ. Саҥа сыллааҕы ороскуоттары ааҕан-суоттаан, кэлэр  бүддьүөккүтүн былаанныыргытыгар табыгастаах кэм. Доҕотторгутун кытта көрсүһүү эбэтэр кылгас айан дуоһуйууну аҕалыа. Чугас киһигит сүбэтэ-амата улахан көмөлөөх буолуо.

Игирэлэр

Болҕомто киинигэр – кэпсэтии, билсиһии, көрсүһүү. Төлөпүөҥҥүт тохтоло суох тыаһыа, социальнай ситимҥэ элбэх биллэрии киириэ. Соһуччу айаҥҥа барар кыах үөскүөн сөп. Үөрэххэ тардыһыы күүһүрүө, тугу эрэ саҥаны билэргит кэлиҥҥи олоххутугар туһалыа.

Араак

Бу нэдиэлэҕэ дьиэ кэргэҥҥит инники күөҥҥэ тахсыахтара. Дьиэҕитигэр сылаас, истиҥ эйгэни тэрийэргэ дьулуһуҥ. Иэйиигит уонна ис санааҕыт күүһүрүө, онон сүрэххитин иһиллээҥ. Ааспыты ырыҥалаан, кэскиллээх былааннары торумнуурга табыгастаах кэм. Кимниин эмэ эйэлэһэр баҕа санаа үөскүө.

Хахай

Айар куккут уһуктар кэмэ. Бэйэҕитин көрдөрөр, талааҥҥытын арыйар кыах бэриллиэ. Дьон болҕомтотун тардыаххыт, сэҥээриини ылыаххыт. Ол эрээри, атыттар санааларын эмиэ истиҥ, бэйэм эрэ билэбин диэн санааттан туттунуҥ. Тапталлааххытын кытта сыһыан саҥа таһымҥа тахсыан сөп.

Кыыс

Саҥа сылы былаанныыр, олоххутун бэрээдэктиир  кэм. Күннээҕи түбүккүтүн сааһылааҥ, доруобуйаҕытыгар болҕомтото ууруҥ. Үлэҕитигэр эбэтэр дьиэҕитигэр тугу эрэ тупсарар санаа киириэ. Ыраастаныы, наадата суох маллартан босхолонуу чэпчээһини аҕалыа.

Ыйааһын

Нэдиэлэ тапталынан, романтиканан уонна доҕордоһуунан толору буолуо. Көрсүһүүлэргэ, култуурунай тэрээһиннэргэ сылдьартан аккаастанымаҥ. Саҥа билсииһии, көрсүһүү олоххутун тупсарыан сөп. Кэрэҕэ тардыһыы күүһүрүө. Ханнык эрэ быһаарыныыны ылынарга күһэллиэххит, онон барытын ыйааһыннаан көрүҥ.

Скорпион

Ис туруккутун кытта үлэлиир, толкуйдуур кэм. Туох эрэ кистэлэҥ арыллыан эбэтэр бэйэҕит тускутунан саҥаны билиэххит. Үп-харчы боппуруостара эмиэ болҕомтону эрэйиэхтэрэ. Улахан атыыны оҥорорго эбэтэр иэс ыларга ыксаамаҥ. Чуумпуга соҕотоҕун сылдьан санааҕытын сааһылыыргыт ордук буолуо.

Охчут

Бу нэдиэлэҕэ эһиги инникини өтө көрөҕүт, саҥа сыаллары туруорунаҕыт. Өрө көтөҕүллүүлээх санаа күүһэ эһигини сирдиэ. Кылгас айаннар, доҕоттору кытта алтыһыы элбиэ. Саҥа билиилэри ылартан, үөрэнэртэн толлумаҥ. Бэйэҕит санааҕытын аһаҕастык этиҥ, дьон эһигини өйүөҕэ.

Чубуку

Бу эһиги кэмҥит! Күүскүт-уоххут эбиллэр, сыалгытыгар-соруккутугар дьулуургут күүһүрэр. Карьераҕытыгар эбэтэр үлэҕитигэр ситиһии күүтэр. Салайааччылар эһигини биһириэхтэрэ. Ол да буоллар, сынньалаҥы умнумаҥ. Бэйэҕитигэр болҕомтону уураргыт, тас көрүҥҥүтүн тупсараргыт санааҕытын көтөҕүө.

Күрүлгэн

Эһиги киһини тардар күүскүт улаатар, социальнай олоххут оргуйан олоруо. Доҕотторгут эһигини ыҥырыахтара, араас тэрээһиннэргэ сылдьыаххыт. Саҥа идиэйэдэргит өйөбүлү булуохтарын сөп. Инникигэ былаан оҥосторго тоҕоостоох кэм, ол эрээри быстах баҕа санааҕа бас бэринимэҥ.

Балыктар

Сынньанарга, санааны сааһылыырга уонна күүһү мунньунарга табыгастаах нэдиэлэ. Ис санааҕыт күүһүрэн, элбэҕи биттэниэ. Түүлгүтүн болҕойор буолуҥ. Айар үлэнэн дьарыктанар дьоҥҥо ил-эйэ тосхойуо. Соҕотохсуйартан куттанымаҥ, бу кэм эһиэхэ ис эйгэҕитин кытта сибээстэһэргэ наада.