Уһун өрөбүллэри хайдах туһалаахтык атаарыахха сөбүй?

Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна дьиэни-уоту бэрээдэктииргэ табыгастаах кэм.

«Авито услуги» эспиэрдэрэ Саҥа дьыллааҕы бырааһынньыктары барын таһынан туһалаахтык атаарарга көмөлөһөр дьарыктар испииһэктэрин оҥордулар.

Саҥа сөбүлүүр дьарыгы баһылааҥ

Дууһаҕытыгар ордук чугас эбэтэр өрдөөҕүттэн толкуйдуу сылдьар ханнык баҕарар хайысхаҕытын талыҥ. Холобур, сурунаалтан кырыйан,  баҕа санааларгыт Саҥа дьыллааҕы коллажтарын оҥоруоххутун, пластилинтан сөбүлүүр дьоруойдары оҥорон таһаарыаххытын эбэтэр саахарынан ньуоскалары бэлэмниэххитин сөп – бу барыта эһиги фантазияҕытыттан тутулуктаах. Бэйэҥ да, учуутал көмөтүнэн да үөрэниэххэ сөп: үгүс маастардар онлайн дьарыктары ыыталлар, онон саҥа дьарыгы табыгастаах усулуобуйаҕа, ханнык баҕарар кэмҥэ баһылыырга сөп. Маннык маастар-кылаастар Саҥа дьыллааҕы үөрүүлээх настырыанньаны үөскэтэргэ көмөлөһөллөр. Айар үлэ киһини уоскутар, оттон бэйэ илиитинэн оҥоһуллубут маллар дьиэни сылааһынан уонна бырааһынньык тыынынан толороллор.

Кыра өрөмүөнү оҥоруҥ

12 өрөбүл күн иһигэр сыл устата табыгастаах түгэни кэтэһэн ууруна сылдьыбыт дьиэтээҕи соруктаргытын толорон ситиэххэ сөп. Холобур, смесители уларытыахха, полкалары ыйыахха, обуойу ыйыахха эбэтэр эрдэ атыыласпыт миэбэли хомуйуохха сөп. Өскөтүн сөптөөх үнүстүрүмүөннэргит суох буоллаҕына эбэтэр бырааһынньык кэмигэр бэйэҕитин ноҕуруускалыаххытын баҕарбат буоллаххытына, чааһынан үлэлиир маастары ыҥырыаххытын сөп. Маннык идэлээхтэр барытын быһаарарга көмөлөһөллөр: карниһы туруорууттан, розетканы уларытыыттан саҕалаан, ыскааптары хомуйууга, раковинаҕа бүөлэниини суох оҥорууга тиийэ. Бу дьиэни улахан эрэйэ суох саҥардарга уонна сынньалаҥҥа бириэмэ хаалларарга көмөлөһүө.

Өрөмүөн кэнниттэн улахан хомуйуу наада буолуон сөбүн учуоттааҥ. Саамай судургу ньыма – сууйар-сотор сулууспаны эбэтэр чааһынай идэлээҕи ыҥырыы: профессионаллар дьиэни эбэтэр кыбартыыраны түргэнник бэрээдэктиэхтэрэ, тутуу быылын ыраастыахтара, түннүктэри, куухуньаны уонна санузелы сууйуохтара. Баҕарар буоллаххытына, кэҥэтиллибит клининги сакаастыаххытын сөп – миэбэли ыраастааһын, уустук сирдэри сууйуу эбэтэр балкон дьаарыстааһына.

Кыбартыыраҕытын сыыппара өттүнэн тупсарыҥ

2026 сылга аныгы технологиялар уонна дьиэтээҕи автоматизация табыгастаах олоххо-дьаһахха суолталаах малынан буолаллар. Гаджеттар олоҕу чэпчэтэллэрин таһынан, куттал суох буолуутун эмиэ хааччыйаллар: өйдөөх датчиктар уу тохтуутун туһунан кэмигэр биллэрэллэр, видеокамералар кыбартыыраны ыраахтан хонтуруоллуурга кыах биэрэллэр, оттон розеткалар уонна лаампалар – уоту кэмчилииллэр.

Тиэхиньикэҕэ мөлтөх буоллаххытына, өйдөөх дьиэни туруорар маастары ыҥырыҥ. Маннык профессионал туох баар наадалаах сенсордары туруоруохтара. Ону таһынан, эспиэр дьиэҕит бүтүн иэнигэр (наада буоллаҕына – дьиэ таһынааҕы сири эмиэ) үчүгэйдик үлэлиир Wi-Fi туруорарга көмөлөһүө.

Бэйэҕэ кыһаныы күнүн оҥорунуҥ

Дьиэтээҕи түбүккэ бириэмэҕитин бараары гыммат буоллаххытына, толору сынньалаҥы оҥорунуҥ, кыбартыыраҕытын СПА-салоҥҥа кубулутуҥ. Дьиэҕитигэр йога инструкторын ыҥырыҥ (эбэтэр кинини кытта онлайн-дьарыгы ыытыҥ). Кини быччыҥнары сымнаҕастык эрчийэргэ, мунньуллубут күүрүүнү уһуларга уонна эти-сиини хамсатаога көмөлөһүө.

Таҥаһы бэрээдэктээҥ

Маннык дьарык биирдэ хас да кыһалҕаны быһаарыа. Ити курдук, эһиги эргэрбит эбэтэр муодаттан тахсыбыт таҥастартан дьэ босхолонуоххут, ону тэҥэ ыскааптаргытыгар умнан кэбиспит таҥаскытын булуоххут.