Хаартыска: ru.freepik.com
Бу күн санааҕытын сааһылааҥ, кэлэр нэдиэлэҕэ бэлэмнэниҥ.
Хой (21.03 – 20.04)
Күүскүн харыстаа. Бүгүн сүүрэр-көтөр оннугар, биир сөбүлүүр дьарыккар болҕомтоҕун уур. Ол кинигэ ааҕыыта, киинэ көрүүтэ эбэтэр илии үлэтэ да буолуон сөп. Дуоһуйууну аҕалыаҕа.
Оҕус (21.04 – 21.05)
Дьиҥнээх сынньалаҥы бэйэҥ оҥоһун. Ураты дьарыгынан, сылаас-истиҥ тылларынан уонна чугас дьонуҥ мичээринэн бүгүҥҥү күҥҥүн толор. Сынньалаҥ эйиэхэ салгын кэриэтэ наада буолбут.
Игирэлэр (22.05 – 21.06)
Ыраах доҕоргор эрийэн сонуҥҥун кэпсээ эбэтэр саҥа кинигэни ааҕан саҕалаа. Бүгүн саҥа сонун эйиэхэ чэпчэкитик киириэ уонна ис туруккун саҥардыа. Мэйии сынньалаҥа – эмиэ сынньалаҥ.
Араак (22.06 – 22.07)
Дьиэ кэргэҥҥин кытта бииргэ буол, этиһимэ, айдааны тардыма. Урукку хаартыскалары көр, аймахтаргын кытта истиҥ кэпсэтииттэн дуоһуй. Бүгүн ааспыт кэм үтүө өйдөбүллэрэ эйиэхэ күүс эбиэхтэрэ.
Хахай (23.07 – 23.08)
Мунньуллубут айар талааҥҥын таһаарар кэм. Уруһуйдуур, ыллыыр эбэтэр хоһоон суруйар буоллаххына – бүгүн ол дьарыккар хайаатар да бириэмэтэ анаа. Айар кутуҥ уһуктан, бэйэҕэр эрэлиҥ күүһүрүө.
Кыыс (24.08 – 23.09)
Кэлэр нэдиэлэни былааннааһын бүгүн эйиэхэ чахчы туһалаах буолуо. Ол эрээри, үлэҕэ аһара ылларыма. Былааннаргын сурунан баран, киэһэни толору сынньалаҥҥа анаа.
Ыйааһын (24.09 – 23.10)
Ис дууһаҥ уоскуйуутун тулалыыр эйгэҕиттэн көрдөө. Кэрэ муусуката иһит, дьиэҕэр сибэккитэ олордон саҕалаа эбэтэр сөбүлүүр киһигин кытта истиҥник кэпсэт. Уоскуйуоххун, сынньаныаххын баҕараҕын.
Скорпион (24.10 – 22.11)
Бүгүн соҕотох хаалан толкуйдуургар табыгастаах күн. Ис туруккун иһиллээ, туох баҕа санаалааххын ырыҥалаа. Бэйэҕин кытта кэпсэтии кэлэр быһаарыныыларгар көмөлөһүө, суолгун арыйыа.
Охчут (23.11 – 21.12)
Айан туһунан ыра санааҕын толор. Аан дойду каартатын көр, кэлэр уоппускаҕын былааннаа эбэтэр атын дойдулар култуураларын туһунан интэриэһинэй биэриини көр. Саҥа саҕахтары арый.
Чубуку (22.12 – 20.01)
Ааспыт нэдиэлэтээҕи ситиһиилэргин сыаналаа. Бэйэҕин хайҕаа, кыратык сынньанан ыл. Эн үлэҥ түмүгэ көстөр, онон бүгүн сынньанар толору бырааптааххын.
Күрүлгэн (21.01 – 18.02)
Доҕотторгун кытта ирэ-хоро кэпсэт. Саҥа, ураты санааларгын үллэһин. Бүгүн доҕотторгун, чугас дьонуҥ кытта алтыһыы, сэһэргэһии эйиэхэ саҥа толкуйдары биэриэн сөп. Ол эрээри, дьиэттэн тахсыбакка эрэ оҥорор ордук.
Балыктар (19.02 – 20.03)
Бүгүн сэрэйэн көрөр дьоҕуруҥ күүһүрэр, онон сүрэҕиҥ этэрин иһит. Бүгүҥҥүттэн кэлэр нэдиэлэтээҕи үлэҕин чопчу былааннаа, айдаантан, мөккүөртэн туттуна сырыт.
Байыаннай дьайыы кыттыылаахтарын сэргэ тыылга кыайыыны уһансааччы волонтердарбыт туһунан кэпсиирбит хайаан даҕаны наада. Кинилэр биир…
Үгүс дьон төһөнөн уһуннук утуйабыт да сынньанабыт дии саныыллар. Оттон ис дьиҥэр оннук буолбатах. Хаачыстыбалаахтык…
Эбээн Бытантай улууһун Дьарҕаалаах сэлиэнньэтигэр төрүт дьарыгы сүтэримээри, саха сүөһүтүн иитэллэр. Онон нэһилиэк үрдүнэн уопсайа…
Горнай улууһугар Атамай бырайыагы толкуйдааһыҥҥа улууска, өрөспүүбүлүкэҕэ бастыҥ нэһилиэгинэн биллэр. Манна даҕатан эттэххэ, бырайыагы толкуйдааһын…
Быйыл саха норуодунай суруйааччыта, икки Үлэ Кыһыл Знамятын, Норуоттар Доҕордоһууларын, икки «Бочуот Знага» уордьаннар кавалердара,…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…